Tisimu 5:10 - Tshwa Bible

¹⁰ Va lamule, O Nungungulu, va wise zikungweni zabye; U va hlongola hi kota ya zihambunyeto zabye zo tala, Hakuva vona va ku hluwukile.

Tisimu 5:10 Mawu Ofanana

2 Samueli 15:31

Va lo byela Davida; vaku: Ahitofeli i lomu xikari ka lava va yimako na Absalome. Davida i te ngalo: Jehova, hunzula wusungukati ga Ahitofeli giva wupumbu! Joba 5:12

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

2 Samueli 17:23

Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Tisimu 10:15

Tshova a woko ga wakubiha; Tsayisa a kubiha kakwe kala u nga ha ku kumi.

Tisimu 107:11

Hakuva va wa alile timhaka ta Nungungulu, Va kanyisa a makungo ya loyi a Hunzeleleko Kutlakuka,

Tisimu 17:13

Vuka, Jehova, u mu tlhangaveta, u mu wisa lahasi, Lwela muhefemulo wa mina hi supado ya wena ka loye wo biha.

Tisimu 31:18

Ngha yi dumariswa a milomu yi hembako wunwa, Leyi yi wulawulako kubiha hi loyi a lulamileko, Hi ku ti kukumukisa ni ku kanyisa.

Tisimu 35:26

Ngha va wiswa tingana, va kanganyiseka vontlhe lava va tsakako hi khombo ga mina; A va ambexwe hi tingana ni kungadzunziwi lava va ti kukumuxako va nzi vukela.

Tisimu 55:15

Ngha kufa ku va tela hi xitshuketi, Va relela vaya Xeole na va ha hanya; Hakuva a kubiha ku lomu tindlwini tabye ni xikari kabye. Mitse. 16:33

Tisimu 66:7

I fumela hi ntamu wakwe kala kupinzuka; A mahlo yakwe ma languta vamatiko. Lava va hluwukileko ngha va nga ti kulisi. (Sela.) 2 Kro. 16:9

Tisimu 71:13

Ngha va wiswa tingana, va lobyiswa lava va nzi xanisako; Ngha va rukiwa ni ku kanganyiseka lava va lavako kulamatwa ka mina.

Tisimu 79:12

Hosi, tlhelisela hi ka ntlhanu ni kumbiri a xifuveni xa vaakelwane va hina A nzhukano leyi va ku rukileko ha xona.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 1:20

kanilezi loku mu ala mu hluwuka, mu ta lobyisiwa hi supado; hakuva a nomu wa Jehova wu wulile lezo. Levi 26:25

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Mikosi 1:5

A vavengi vakwe va buma, ni valala vakwe va vuvuma; Hakuva Jehova i mu rumile makhombo hi kota ya kutala ka zigoho zakwe. A zivanana zakwe zi yile wukhumbini, na zi guliwa hi nala.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

1 Va le Korinte 3:19

Hakuva a wutlhari ga misava, mbupumbu ka Nungungulu. Hakuva ku tsalilwe ku ngalo: Yena loyi a khomako a titlhari manweni ya tona; Joba 5:13

Deuteronome 2:30

Kanilezi Sihoni a hosi ya Hexboni i lo ala a kuva hi tsemakanya kontlhe lomo, hakuva Jehova Nungungulu wa wena i nonohisile a mbilu yakwe, kasi a fela ku mu nyikela canjeni ga wena kota lezi zi mahekileko.

1 Samueli 25:29

Hambu loku munhu a suka a hlongolisa, a hlota wutomi ga wena, a wutomi ga hosi ya mina gi ta hlayiswa ha Jehova Nungungulu wa wena, gi bohiwa ka nyanza yinwe ni lava va hanyako; kasike a wutomi ga valala va wena gi ta cukumetiwa kule kota xinziwanziwani. Tis. 6:10; 31:21; 97:10

1 Samueli 25:39

Laha Davida a nga zwile lezaku Nabali i file, i te ngalo: A ku bongiwe Jehova loyi a nga vikela a mhaka ya mina le ka nanza gakwe a ku maha kubiha. Jehova i tlhelisele a kubiha ka Nabali hlokweni ya yena nwinyi. Zonake Davida i lo ruma a vanhu ka Abigaili a ku ya mu wutela yena.