Tisimu 49:4 - Tshwa Bible

⁴ Nzi ta koramisa a ndleve ya mina ka magezu ya wutlhari, Nzi tlhamusela a wutivi ga mina gi fihlilweko na nzi yimba xitende.

Tisimu 49:4 Mawu Ofanana

Tisimu 78:2

Nzi ta vulula a nomu wa mina hi mufananiso; Nzi wulawula a mitseketo ya kale. Mat. 13:35

Mavingu 1:6

Ya ku pima mavingu ni ku vingula, timhaka ta titlhari, ni zigonzo zi fihlilweko za tona.

Ezekieli 20:49

Zonake mina nziku: Ha, Hosi Jehova! Va wula ha mina vaku: A hi mukaneli wa mifananiso ke?

Danieli 8:23

A xikhatini xo gumesa xa mifumo yabye, laha a vahambunyeti va ta nga tala, ku ta huma a hosi ya nghohe yo tshisa ni ya wutlhari go tlhamusela mifihlakalo.

Mitsengo 12:8

yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Mitsengo 23:7

Zonake Balaami i lo vumba, aku: Balake i nzi vitanile na nzi hi le Arama, A hosi ya Moabi yi nzi relelisile zitsungeni za le Mutsuwuka-gambo, aku: “Ngone u ta nzi phungela Jakobe! Ngone u ta zangarela Israeli!” Deut. 23:4

Mateu 13:35

Kasi ku fela ku tatiseka lezi zi nga kanelwe hi muprofeti, aku: Nzi ta vulula nomu wa mina hi mifananiso; Nzi ta humesela a timhaka ti fihlilweko hi kusanguleni ka tiko. Tis. 78:2; 1 Kor. 2:7; Efe. 3:9

Luka 12:3

Hikwalaho zontlhe lezi mu zi wulawulileko munyameni zi ta zwiwa kuwonekeleni; ni lezi mu zi hlevele-neko zipetsweni za lomo xikari ka tiyindlu, zi ta biwa hungu zixungweni za tiyindlu.

2 Va le Korinte 3:12

Hikwalaho lezi hi nga ni kutsumba ka kunghahi, hi kanela hi kutiyahlana,