Tisimu 47:9 - Tshwa Bible

⁹ A tihosana ta matiko ti tsombene, Zinwe ni vanhu va Nungungulu wa Abrahama,

Tisimu 47:9 Mawu Ofanana

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 89:18

Hakuva a xitlhangu xa hina xi lumba Jehova, A hosi ya hina nja Wakubasa wa Israeli.

Tisimu 97:9

Hakuva wena Jehova u loyi a Tlakukileko nguvu misaveni yontlhe, U tlakukile hehla ka vanungungulu vontlhe.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Mateu 22:32

Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Va le Galatia 3:29

Loku nwina mu hi va ka Kristu mu pswalo wa Abrahama, mu zigatshomba hi kota va xitsumbiso. Gen. 21:10; Rom. 8:17; 9:7; Maheb. 11:18