Tisimu 47:1 - Tshwa Bible

¹ Phakatelani mandla, nwina nwentlhe matiko; Kanyulukani ka Nungungulu hi migiyo.

Tisimu 47:1 Mawu Ofanana

2 Samueli 6:15

Zinghaho Davida zinwe ni yindlu yontlhe ya ka Israeli, va lo neha a arke ga Jehova hi kukanyuluka ni guwa ga mipunzu.

2 Tihosi 11:12

Zonake i lo humesa a nʼwana wa hosi, a mu tlhateka a xidlodlo, a mu nyika bhuku ga Wukustumunyu; va lo mu maha hosi, va mu tota hi mafura, va phakatela mandla yabye, vaku: A yi hanye, a hosi! Ekso. 25:16; Deut. 17:18

2 Kronekele 13:15

A vavanuna va ka Juda va loba huwa, Nungungulu a hlasela Jeroboamu ni vontlhe va ka Israeli, a va hlula mahlweni ka Abija ni va ka Juda.

Tisimu 106:47

Hi hanyise, Jehova, Nungungulu wa hina, Hi hlengelete xikari ka vamatiko, Kasi ha fela ku bonga a vito ga wena go basa, Hi ku dumisa hi ku giya. 1 Kro. 16:35

Tisimu 42:1

Khwatsi hi pswele ga hlangu gi navelako micongweni ya mati, Zinghaho a muhefemulo wa mina wa navela wena, Nungungulu.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 47:5

Nungungulu i tlakukele hehla hi kukanyuluka ka litsako, Jehova i humele ni guwa ga mimpunzu.

Tisimu 98:4

Banani huwa ga kutsaka ka Jehova, nwentlhe matiko, Hlalelani hi litsako, mu yimbelela.

Tisimu 98:8

A micongo a yi phakatele mandla, A zitsunga a zi yimbelela zinwe hi litsako,

Isaya 55:12

Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Zefania 3:14

Yimbelela, wena nhanyana wa le Zioni! Khana wena Israeli! Tsaka, u nengela hi mbilu ya wena yontlhe, wena nhanyana wa Jerusalema!

Zakaria 4:7

Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!