Tisimu 46:8 - Tshwa Bible

⁸ Tanani, mu wona mitiro ya Jehova, A zihangalaso lezi a zi mahileko misaveni.

Tisimu 46:8 Mawu Ofanana

Tisimu 146:5

I katekile loyi Nungungulu wa Jakobe a nga muvuni wakwe, Loyi a tsumbako Jehova, Nungungulu wakwe,

Tisimu 59:10

Nungungulu i ta nzi tlhangaveta hi wuxinji gakwe, I ta tsakisa a mahlo ya mina loku nzi wona lava va nzi xiyelelako.

Tisimu 66:5

Tanani, mu wona a mitiro ya Nungungulu; Za hlamalisa a zimaho zakwe ka vanana va vanhu.

Eksodusi 10:7

Zonake a malanza ya Faro maku kakwe: Loyi munhu i tava ziyo xikari ka hina kala rini? Tlhatlha vanhu lava va ya khozela Jehova, Nungungulu wabye. A ku zi woni lezaku a Gipite ga lova ke?

Eksodusi 12:30

Faro i lo vuka ni wusiku, ni malanza yakwe wontihe, ni vaGipite vontlhe; ku wa hi zirilo za hombe lomo Gipite, hakuva ku wa nga hi kona yindlu yi nga hi hava xirumbi.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:10

Bohani xikungo, kanilezi xi nga ta maheka. Wulawulani mhaka, kanilezi yi nga ta tiya; hakuva Nungungulu i na hina. Joba 5:12; Rom. 8:31

Mitsengo 14:9

Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.

Mitsengo 23:23

Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.