Tisimu 44:3 - Tshwa Bible

³ Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Tisimu 44:3 Mawu Ofanana

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

2 Kronekele 20:7

Nungungulu wa hina, a hi wena u panzanyileko a vaaki va tiko legi mahlweni ka vanhu va wena, a va ka Israeli, u gi nyikela kala kupinzuka ka pswalo wa Abrahama loyi a nga hi xaka ga wena hi masiku?

Tisimu 111:6

I kombisile a vanhu vakwe a ntamu wa mitiro yakwe, Hi ku va nyika a tshomba ya vamatiko.

Tisimu 17:7

Kombisa wuxinji ga wena gi hlamalisako, Wena loyi u ponisako lava va ku tsumbako; U va lwela ka valala vabye hi woko ga wena ga xinene.

Tisimu 20:6

Makunu nza zi tiva lezaku Jehova wa hanyisa a totilweko wakwe, I ta mu hlamula na a hi tilweni gakwe go basa, A mu ponisa hi ntamu wa canja gakwe ga xinene.

Tisimu 4:6

Mbanyingi va wulako, vaku: Himani a ta nga hi kombisa leʼzi nga nene? Jehova, hi woningele hi kuwonekela ka nghohe ya wena.

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 42:5

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Hi kota ya kuhanyisa loku ku tako hi le nghoheni yakwe.

Tisimu 74:11

Hikuyini u alisako a woko ga wena ga xinene ke? Gi humese xifuveni xa wena, u va heta.

Tisimu 77:15

Hi woko ga wena u lo tirula a vanhu va wena, A vana va Jakobe ni va Josefa. (Sela.) Ekso. 6:6

Tisimu 78:55

I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Tisimu 80:16

Yi swile hi nzilo, yi tsemilwe; Va lova hi kukawukwa hi nghohe ya wena.

Tisimu 80:9

U lo yi longisela a misava, Yi zima mitsu, yi nava ni ku tata gontlhe tiko.

Eksodusi 15:16

A kuchava ni kururumela zi lowa hehla kabye; Hi canja ga wena ga ntamu, Va hunzukile va maha timbeveve ti fananako ni maribye, Kala a vanhu va wena va tlhatuka, O Jehova! Va kala va tlhatuka a vanhu lava u va tiruleko.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Mitsengo 14:8

Loku Jehova a xalala ha hina, i ta hi enghenisa ka tiko lego, a gi nyika ka hina, gi nga tiko gi khulungako a masi ni wulombe.

2 Va le Korinte 4:7

Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. 1 Kor. 2:5; Xip. 5:1

Deuteronome 10:15

Kanilezi Jehova i wa tangaliswa hi vararu va nwina, a va ranza; a kala a hlawula a vana vabye anzhako ka vona, a mu hlawula nwina xikari ka matiko wontihe, khwatsi hi lezi mu zi wonako inyamutlha.

Joxua 24:12

Na mina nzi rumile mivi mahlweni ka nwina, leyi yi nga hlongola mahlweni ka nwina a tihosi timbiri ta vaAmori; cima na ku nga hi tlhari ga wena ni wura ga wena.

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.