Tisimu 41:9 - Tshwa Bible

⁹ Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Tisimu 41:9 Mawu Ofanana

2 Samueli 15:12

Laha Absalome a nga wa ha nyikela miphahlelo, i lo vitanisa Ahitofeli a muGiloni, a nga wa hi munwe wa madota ya Davida, loyi a nga hi le mutini wakwe. A xikungo lexo xi lo sangula ku tiya, hakuva a vanhu va lo simama ku talelana ka Absalome.

Joba 19:13

I ahlukanisile vanakulori kule na mina; Ni lava nzi toloveleneko navo va ti maha vambe ka mina.

Joba 19:19

Vontlhe vanghana va mina va lisine va swireka ha mina; Ni lava va nga ranzeka ka mina, va nzi vukela.

Tisimu 101:3

Nzi nga ta langutela a zilo zi bihileko. Nza venga a zimaho za vagohi, Cima zi nga ta nzi namarela.

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Obadia 1:7

Wontlhe matiko lawa u mahileko nawo xivumelwano, ma ku tlhelisele mbhinganweni wa wena; a vanghana va wena va ku khohlisile, va ku hlula. Lava va gako zakuga za wena va ta ku dembela ziyo laho u to kala u nga gi woni.

Mika 7:5

Mu nga tsumbeni vanghana, mu nga veki kutsumba ka nwina ka maxaka. Valele loyi a etleleko xifuveni xa wena a tinyangwa ta nomu wa wena.

Mateu 26:23

I lo hlamula, aku: Loyi a nusako zinwe na mina lomu ngelweni, hi yena a ta nga nzi tokometa. Tis. 41:9; Lu. 22:21; Joh. 13:18

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.