Tisimu 35:8 - Tshwa Bible

⁸ A kulobyiswa a ku wele hehla kabye hi xitshuketi; Ngha va phasiwe vona venyi hi ntlhamu lowu va wu dembileko, Va wela kulobyisweni kwaloko.

Tisimu 35:8 Mawu Ofanana

2 Samueli 17:23

Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Tisimu 57:6

Va dembile mitlhamu lahasi ka mikonzo ya mina; A muhefemulo wa mina wu koramile; Va nzi kelele rinzi, Vona wutsumbu va tlhela va wela ka gona. (Sela.)

Tisimu 64:7

Kanilezi Nungungulu i ta va fula hi tigalala, Hi xitshuketi va ta lamatwa.

Tisimu 9:15

A vamatiko va wele rinzini legi va nga gi kela; A milenge yabye yi phasilwe hi ntlhamu lowu va wu dembileko. Joba 18:8; Mav. 26:27

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Isaya 47:11

Hikwalaho a khombo gi ta ku wela, U nga ta ku tiva lomu gi ta ngata ha kona. U ta welwa hi mhango, u nga zi koti ku ti vikela; A kulova ku ta ku wela hi xitshuketi Na u nga tivi nchumu.

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

1 Samueli 18:17

Saule i te ngalo ka Davida: Nzi ta ku nyika Merabe, a nʼwana wa mina wa matewula, a kuva sati wa wena, ntsena lezaku wena u tava nghwazi ya mina, ya kulwa tiyimpi ta Jehova. Hakuva Saule i waku mbilwini yakwe: Nzi nga ta tlhateka a canja ga mina hehla kakwe, kanilezi a canja ga vaFilistia gi tava hehla ka yena!