Tisimu 35:27 - Tshwa Bible

²⁷ Ngha va hlalela hi kutsaka lava va ranzako akuva nzi humelela mhakeni, A masiku wontihe ngha va wula, vaku: A khesiwe Jehova, Loyi a xalalako hi kuvuvuma ka nanza gakwe!

Tisimu 35:27 Mawu Ofanana

Tisimu 132:16

Nzi ta ambexa vapristi va gona hi kuhanyisa, Ni vakubasa va gona va ta kanyuluka hi litsako.

Tisimu 132:9

A vapristi va wena a va ambale kululama, Ni vobasa va wena va kanyuluka hi kutsaka.

Tisimu 142:7

Humesa muhefemulo wa mina lomu paxweni, Kasi nza dumisa vito ga wena. A vakululama va ta nzi ranzela, Laha u ta nga nzi mahela tipswalo.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 32:11

Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. Fil. 4:4

Tisimu 34:4

Nzi lo hlota Jehova, i lo nzi hlamula; I lo nzi tlhatlhisa kuchaveni ka mina kontlhe.

Tisimu 40:16

Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena, A va simame vaku: A kuliswe Jehova!

Tisimu 40:17

Mina nzi loyi a xanisilweko, nzi muvumali, Kanilezi Jehova wa nzi alakanya; Wena u muvuni wa mina ni mutiruli wa mina, U nga hlweli, O Nungungulu wa mina.

Tisimu 68:3

Kanilezi a vakululama va tsaka, va khana mahlweni ka Nungungulu; Ina, va tsaka nguvu.

Tisimu 70:4

Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena A va simame vaku: A kuliswe Jehova!

Tisimu 9:4

Hakuva wena u yimele a fanelo ya mina ni mhaka ya mina, U tshamile xitshanwini xa wena xa wuhosi u lamula hi nongameto.

Mavingu 8:18

A wukosi ni kudzunzeka zi na mina, na, a wukosi gi nga mbheliko ni kululama.

Zefania 3:14

Yimbelela, wena nhanyana wa le Zioni! Khana wena Israeli! Tsaka, u nengela hi mbilu ya wena yontlhe, wena nhanyana wa Jerusalema!

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Va le Roma 12:15

Tsakani zinwe ni lava va tsakako, mu rila ni lava va rilako.

1 Va le Korinte 12:26

Hikwalaho loku a xiro xinwe xi xaniseka, ziro zontlhe zi xaniseka zinwe naxo; ni loku xiro xinwe xi dzunziwa, ziro zontlhe zi tsaka zinwe naxo.