Tisimu 34:3 - Tshwa Bible

³ Dumisani Jehova zinwe na mina; A hi kuliseni zinwe a vito gakwe.

Tisimu 34:3 Mawu Ofanana

1 Kronekele 16:10

Ti tsakiseni hi vito gakwe go basa! Ngha timbilu ta lava va hlotako Jehova ti tsaka!

1 Kronekele 29:20

Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.

2 Kronekele 29:30

Tlhatakumbiri, hosi Hezekia zinwe ni tihosana va lo byela vaLevi a ku dumisa Jehova hi timhaka ta Davida na Asafa a muwoni; va lo yimbelela zalezo va dumisa na va tsakile, va korama va khozela.

Tisimu 35:27

Ngha va hlalela hi kutsaka lava va ranzako akuva nzi humelela mhakeni, A masiku wontihe ngha va wula, vaku: A khesiwe Jehova, Loyi a xalalako hi kuvuvuma ka nanza gakwe!

Tisimu 40:16

Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena, A va simame vaku: A kuliswe Jehova!

Tisimu 66:8

Nwina matiko, khesani Nungungulu wa hina, Zwatani a gezu ga kudumisa kakwe,

Tisimu 69:30

Nzi ta dumisa a vito ga Nungungulu hi lisimu, Nzi mu kulisa hi kukhesa.

Tisimu 69:33

Hakuva Jehova wazwa lava va vumalako, A nga kanyisi a tiperesu takwe. Mat. 5:3

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Luka 1:46

Zonake Maria i te ngalo: A muhefemulo wa mina wa dumisa Hosi,

Mitiro 19:17

A mhaka leyi yi lo tibyiwa hi vaJuda ni vaGreki vontlhe lava va nga akile Efesusi; vontlhe va lo telwa hi kuchava, ni vito ga Jesu gi lo kuliswa. Lu. 1:65; Xip. 2:43; 5:5

Va le Filipi 1:20

hi kulangutela ni kutsumba ka mina lezaku nzi nga ta chelwa tingana ha nchumu, kanilezi Kristu i ta dumisiwa mirini wa mina hi kutiya kontlhe, makunu khwatsi hi zikhati za kale, kutani hi kuhanya, kutani hi kufa. Rom. 5:5

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18