Tisimu 33:2 - Tshwa Bible

² Dumisani Jehova hi xitende, Mu kheseni hi xitende xa khume ga tingoti.

Tisimu 33:2 Mawu Ofanana

2 Samueli 6:5

Davida ni yindlu yontlhe ya ka Israeli va wo yimbelela mahlweni ka Jehova hi tontlhe tixaka ta timbila ti mahiwako hi sinya ya fira, ni zitende, ni magubhu, ni tingomana, ni tinanga, ni zikoriyo.

1 Kronekele 15:16

Davida i lo leletela a tihosana ta ka Levi a ku yimisa a vanakulobye ntirweni wa kuyimbelela hi timbila ni zitende, va yimbelela hi ntamu va kombisa kutsaka.

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 25:3

A va ka Jedutuni, a vana vakwe: Gedalia, na Zeri, na Jexaia, na Haxabia, na Mattitia, ntlhanu ni munwe lava va nga wa rangelwa hi raru wabye Jedutuni loyi a nga wa profeta hi xitende, a kii bonga ni ku dumisa Jehova.

1 Kronekele 25:6

Vontlhe lava va wa rangelwa hi raru wabye a ku yimbelela lomu ndlwini ya Jehova; va wa hi ni tingoma, ni timbila, ni zitende za ntiro wa kukhozela lomu ndlwini ya Nungungulu. Asafa, na Jedutuni, na Hemani, va wa leletelwa hi hosi.

Tisimu 144:9

Nungungulu, nzi ta yimbelela lisimu liswa ka wena, Nzi ku dumisa hi xitende xa khume ga tingoti,

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Tisimu 71:22

Zonake nzi ta ku dumisa hi gubhu, Hi kota ya kutsumbeka ka wena, Nungungulu wa mina. Nzi ta ku yimbelela hi xitende, wena Wakubasa wa Israeli.

Tisimu 92:3

Hi xitende xa khume ga tingoti ni magubhu, Ni pfumawulo wa xitende.

Tisimu 92:4

Hakuva wena Jehova wa nzi tsakisa hi mitiro ya wena, Nzi ta huwelela hi litsako hi kota ya mitiro ya mandla ya wena.

Eksodusi 15:20

Zonake Miriamu, muprofeti wa xisati, a makabye wa Aroni, i lo teka a mutandanda canjeni gakwe, a vavasati vontlhe va huma va mu lanzela, na va hi ni mitandanda, va kina.

Kuvululelwa 14:2

Nzi lozwa a gezu ga le tilweni kotisa mati manyingi, ni kotisa guwa ga kudzinza ka hombe; ni gezu legi nzi nga gizwa gi wo khwatsi i gezu ga magubhu loku ma biwa: hi venyi va wona.

Kuvululelwa 5:8

Laha na yi tekile bhuku, a mune wa zimahwa zi hanyako ni 24 wa manghanakana ma lowa lahasi mahlweni ka Yivana; ginwe ni ginwani gi wa hi ni gubhu, ni zibya za nzalama zi teleko hi mpepo, yi nga mikhongelo ya vobasa. Tis. 141:2; Xip. 14:2