Tisimu 33:11 - Tshwa Bible

¹¹ A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Tisimu 33:11 Mawu Ofanana

2 Tihosi 19:25

Xana a ku zi zwangi lezi nzi zi mahisileko zona kale loko ke? Nzi zi wulile masikwini ya kale nguvu, makunu nzi ta zi maha zi tatiseka, nzi ku nyikile ntamu ku khungumulela a miti ya makhokhola yi maha marumbi.

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

Tisimu 92:5

Jehova, yi kulisile kuyini a mitiro ya wena! Ni maalakanyo ya wena ma etile nguvu. Rom. 11:33

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Mutshawuteli 3:14

Nza zi tiva lezaku ni xihi lexi Nungungulu a xi mahako, xi ta simamisa kala ku pinzuka; ku hava nchumu wu nga engetelwako ka xona, hambu ku hungulwa. Nungungulu i zi mahile kasi vanhu vave ni xichawo mahlweni kakwe. Tis. 33:11; Isa. 46:10

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 14:27

Hakuva Jehova wa tiyimpi i zi xuvile, himani a ta nga zi thinda? Ni canja gakwe gi nawulutilwe, himani a ta nga gi tlhelisa? 2 Kro. 20:6; Dan. 4:32

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Mikosi 3:37

Himani a zi kotako ku wula a mhaka yi maheka, Loku Hosi yi nga yi leletangi ke?

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Mika 4:12

Kanilezi a va ma tivi a maalakenyo ya Jehova, ge hambu ku pima a xikungo xakwe. Hakuva i va hlengeletele kukotisa milumbi le wuhulelweni.

Mitiro 15:18

Ku wula Hosi, leyi yi tivekisako lezi zilo hi kale ka matiko.

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17