Tisimu 3:3 - Tshwa Bible

³ Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Tisimu 3:3 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 40:13

ka ha ta hunza masiku manharu, Faro i ta ku tlakusa, u tlhelela ntirweni wa wena, u ta ya mu nyika Faro a gombe lomu canjeni gakwe kota lezi u nga maha kale, laha u nga wa hi mucheleteli wa vinya gakwe.

2 Tihosi 18:30

Hezekia ngha a nga mu kalaveli hi ku tsumba Jehova, a mu byela ku ngalo: Hakunene Jehova i ta hi tlhatlhisa, a muti lowu cima wu nga ta nyikelwa mandleni ya hosi ya Asiria!

2 Tihosi 18:32

kala mina nzi ta mu susa nzi mu yisa ka tiko legi gi fananako ni tiko ga nwina, a tiko ga mavele ni vinya, a tikweni ga zibaba ni zivina, ga tisinya ta mafura ni wulombe, kasi ma fela ku hanya, mu ngafi. Mu nga ingisi Hezekia, hakuva yena o mu khohlisa, aku: Jehova i ta hi tlhatlhisa.

2 Tihosi 25:27

Makunu hi lembe ga wu 37 ga kukhonwa ka Jehoiakina a hosi ya ka Juda, hi hweti ya wu 12, hi siku ga 27, Evil-Merodaki a hosi ya le Babuloni, a lembe lego a nga sangula ku fuma, i lo tlakusa a hloko ya Jehoiakina a hosi ya ka Juda, a mu humesa lomu paxweni.

Tisimu 110:7

Yi tanwa mati ya xicongwana laha ndleleni, Zonake yi ta tlakusa hloko.

Tisimu 119:114

U wuchavelo ga mina ni xitlhangu xa mina, Nza tsumba a mhaka ya wena.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 27:6

Makunu a hloko ya mina yi ta tlakuswa hehla ka valala va mina lava va nzi ranzelako; Nzi ta nyikela a miphahlo ya kutsaka lomu tendeni gakwe; Nzi ta yimbelela, ina, nzi ta dumisa Jehova.

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 4:3

Tivani lezaku Jehova i ti hlawulele a munhu nene; Jehova i ta nzizwa loku nzi vitana ka yena.

Tisimu 62:7

A kuhanyiswa ka mina ni wudzunzo ga mina zi ka Nungungulu; A ribye ga ntamu wa mina, ni wuchavelo ga mina zi le ka Nungungulu.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Isaya 45:25

A ka Jehova vontlhe a vana va ka Israeli va ta hlayelwa kululama, Va ti kulisa ha yena.

Isaya 60:19

A gambo gi nga ta hava kuwonekela ka wena ni hlikanhi, Ge hambu nweti wu nga ta ha ku woningela, Kanilezi Jehova i tava kuwonekela ka wena ka pinzukelwa, Ni Nungungulu wa wena i tava wumbhuri ga wena. 1 Joh. 1:5; Jak. 1:17; Kuv. 21:23

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Kuvululelwa 21:11

wu hi ni kungangamela ka Nungungulu. Wu lo hatima khwatsi hi ribye ga ntsengo wa hombe, a ku fanana ni ribye ga jasperi, na gi basisile ku khwatsi hi kristali. Xip. 22:5

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20