Tisimu 29:2 - Tshwa Bible

² Hlayelani Jehova a wudumo gi faneleko a vito gakwe, Khizamelani Jehova na mu ambele zo basa.

Tisimu 29:2 Mawu Ofanana

2 Kronekele 20:21

Laha a nga wa bohile xikungo ni vanhu, i lo hlawula lava va ta nga yimbelela mahlweni ka Jehova ni ku mu dumisa, na va ambele tinguwo ti basileko, va ranga mahlweni ka yimpi, vaku: Dumisani Jehova, hakuva a wuxinji gakwe gi tshamile kala kupinzuka!

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

Tisimu 90:17

Ngha a tipswalo ta Jehova, Nungungulu wa hina, tiva hehla ka hina! Hi tiyiseta a ntiro wa mandla ya hina; Ina, wu tiyise a ntiro wa mandla ya hina.

Tisimu 96:6

A wudzunzo ni wukulu gi le mahlweni ka yena, A ntamu ni wumbhuri zi lomu ndlwini yakwe ya kubasa.

Tisimu 97:9

Hakuva wena Jehova u loyi a Tlakukileko nguvu misaveni yontlhe, U tlakukile hehla ka vanungungulu vontlhe.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.