Tisimu 28:9 - Tshwa Bible

⁹ Hanyisa vanhu va wena, u katekisa a tshomba ya wena; Maha murisi wabye, u va tlakusa kala kupinzuka. Deut. 9:29

Tisimu 28:9 Mawu Ofanana

2 Samueli 21:3

Davida aku ka maGibeoni: Xini nzi ta nga mu mahela? na ku hi nzhiho muni nzi ta nga mu mahela kasi nwina mu fela ku katekisa a vanhu va Jehova?

2 Samueli 7:7

Kontlhe lomu nzi nga fambafamba ni va ka Israeli, kasi nzi na nga wula ni gezu ginwe ka linwe la tixaka ta ka Israeli leti nzi ti rumileko a ku risa vanhu va mina, va nga va ka Israeli; nziku: Hi yini mu nga nzi akeliko a yindlu ya sedare ke?

1 Tihosi 8:51

hakuva mbanhu va wena ni tshomba ya wena leyi u yi humesileko te Gipite, xikari ka nzilo wa nyunzo. Ekso. 1:11, 14; Deut. 4:20

1 Tihosi 8:53

Hakuva wena u va hambanyisile ni matiko wontihe ya misava a kuva tshomba ya wena, kota lezi u wulileko hi nanza ga wena Mosi, a xikhatini lexo u nga humesa vakoko va hina te Gipite, Hosi Jehova!

Ezra 1:4

Vontlhe lava va ponileko, na va hi valuveli matshanwini lawo, a vanhu va tiko a va va vune hi siliva, ni nzalama, ni zibya, ni tihomu, ni minyikelo leyi yi nyikelwako ndlwini ya Nungungulu loyi a nga le Jerusalema.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 25:22

Nungungulu, tlhatlhisa Israeli Makhombyeni yakwe wontihe.

Tisimu 78:71

I lo mu teka laha a nga risa mapswele ya tiyivu, A mu veka a kuva murisi wa Jakobe, a tiko gakwe, Na Israeli, a tshomba yakwe. 2 Sam. 7:8

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Mateu 2:6

Na wena Betlehema, tiko ga Juda, A ku tsongwanyani xikari ka ti hosana ta ka Juda; Hakuva hi ka wena ku ta huma mufumeli, Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Deuteronome 32:9

Hakuva xiavelo xa Jehova hi vanhu vakwe; Jakobe xiavelo xa tshomba yakwe. Ekso. 19:5; 1 Ped. 2:9

Deuteronome 9:26

Nzi lo khongela ka Jehova, nziku: Hosi Jehova, u nga lovisi a vanhu va wena ni tshomba ya wena, lava u nga va tlhatlhisa hi wukulu ga wena, lava u nga va humesa le Gipite hi canja ga ntamu.

Deuteronome 9:29

Kasi lezo vona mbanhu va wena, ni tshomba ya wena, lava u va humesileko le Gipite hi ntamu wa wena wa hombe, ni woko ga wena gi nawulutilweko.