Tisimu 27:6 - Tshwa Bible

⁶ Makunu a hloko ya mina yi ta tlakuswa hehla ka valala va mina lava va nzi ranzelako; Nzi ta nyikela a miphahlo ya kutsaka lomu tendeni gakwe; Nzi ta yimbelela, ina, nzi ta dumisa Jehova.

Tisimu 27:6 Mawu Ofanana

Genesisi 40:13

ka ha ta hunza masiku manharu, Faro i ta ku tlakusa, u tlhelela ntirweni wa wena, u ta ya mu nyika Faro a gombe lomu canjeni gakwe kota lezi u nga maha kale, laha u nga wa hi mucheleteli wa vinya gakwe.

Genesisi 40:20

Zonake hi siku ga wunharu, a siku ga kubelekwa ka Faro, i lo maha mubuzo wa malanza yakwe wontihe; i lo tlakusa a hloko ya nduna ya vacheleteli va vinya ni hloko ya nduna ya vabhiki xikari ka malanza yakwe.

2 Samueli 22:1

Davida i lo wulawula ka Jehova a timhaka ta leli lisimu, a siku lego a nga poniswa mandleni ya vontlhe valala vakwe, ni mandleni ya Saule, aku:

2 Samueli 22:49

Loyi a nzi lwelako ka valala va mina. U rizi tlakusile nziva hehla ka lava va nzi vukelako; U nzi ponisile ka wanuna wo leva.

2 Samueli 7:9

Na mina nzi wa hi na wena kontlhe lomu u nga wa famba kona; nzi hetile vontlhe valala va wena mahlweni ka wena, nzi ku maha uva ni vito ga hombe, khwatsi hi mavito ya vahombe va nga laha misaveni.

2 Tihosi 25:27

Makunu hi lembe ga wu 37 ga kukhonwa ka Jehoiakina a hosi ya ka Juda, hi hweti ya wu 12, hi siku ga 27, Evil-Merodaki a hosi ya le Babuloni, a lembe lego a nga sangula ku fuma, i lo tlakusa a hloko ya Jehoiakina a hosi ya ka Juda, a mu humesa lomu paxweni.

1 Kronekele 22:18

aku ka tona: Jehova Nungungulu wa nwina a nga zinwe na nwina ke? A nga mu nyikangi kuhumula matlhelweni wontihe ke? Hakuva yena i nyikele mandleni ya mina vontlhe vaaki va tiko, makunu a tiko gi rulile mahlweni ka Jehova ni ka vanhu vakwe.

Tisimu 107:22

A va humese a miphahlo ya kubonga, Va tlhatlhambutela mitiro yakwe hi kutsaka.

Tisimu 110:7

Yi tanwa mati ya xicongwana laha ndleleni, Zonake yi ta tlakusa hloko.

Tisimu 119:108

Jehova, amukela a minyikelo yi humako nonwini wa mina, U nzi gonzisa a ziyimiso za wena.

Tisimu 138:5

Ti ta khesa a tindlela ta Jehova, Hakuva a wudzunzo ga Jehova ga hombe.

Tisimu 21:1

Jehova, a ntamu wa wena wa tsakisa hosi; Wa tsaka nguvu hi kuhanyisa ka wena.

Tisimu 21:13

Jehova, ngha u kuliswa ntanwini wa wena: Hi ta yimbelela hi khesa a ntamu wa wena.

Tisimu 3:3

Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Tisimu 3:4

Nzi vitana ka Jehova hi gezu ga mina, Yena wa nzi hlamula hi le xitsungeni xakwe xo basa. (Sela.)

Tisimu 47:1

Phakatelani mandla, nwina nwentlhe matiko; Kanyulukani ka Nungungulu hi migiyo.

Tisimu 57:8

Vuka muhefemulo wa mina, vukani nwina timbila ni xitende! Mina nzi ta vuxa wuronga ga mixo.

Tisimu 81:1

Yimbelelani hi litsako ka Nungungulu, a ntamu wa hina, Mu maha a guwa ga kutsaka ka Nungungulu wa Jakobe.

Tisimu 95:1

Tanani, a hi yimbeleleni ka Jehova, Hi khanela a ribye ga kuhanyiswa ka hina. Deut. 32:4

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Maheberu 13:15

Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24