Tisimu 27:5 - Tshwa Bible

⁵ Hakuva i ta nzi fihla xiluvelweni xakwe hi siku ga kuxaniseka, A nzi fihla xihundleni xa tenda gakwe; A nzi kanzihisa hehla ka ribye. Jer. 36:26

Tisimu 27:5 Mawu Ofanana

2 Kronekele 22:12

I wa hi zinwe navo na fihlilwe lomu ndlwini ya Nungungulu ntlhanu wa malembe ni ginwe; Atalia na a fumela tiko.

Tisimu 10:1

Jehova, hikuyini u yimako kule? Hikuyini u fihlalako zikhatini za kuxaniseka?

Tisimu 119:114

U wuchavelo ga mina ni xitlhangu xa mina, Nza tsumba a mhaka ya wena.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 17:8

Nzi hlayise ku khwatsi i nzololoya tihlo, U nzi fihla nzhutini wa tipapa ta wena,

Tisimu 18:33

Wa maha milenge ya mina yi fanana ni ya pswele ga hlangu, A nzi veka matshanwini ya mina ma tlakukileko.

Tisimu 31:20

U ta va fihla xihundleni mahlweni ka wena, kule ni vaxanisi; U va hlayisa xaxeni wa wena a ka mahlevo ya tirimi. Jer. 36:26

Tisimu 31:21

A dumiswe Jehova! Hakuva i nzi kombisile a wuxinji gakwe gi hlamalisako, Kukotisa loku nzi wa vekilwe khokholeni.

Tisimu 40:2

I nzi humesile rinzini ga lufu, Ni lomu maropeni ya phiriwa; I yimisile a mikonzo ya mina le ribyeni, I tiyisile kufamba ka mina.

Tisimu 40:3

Yena i vekile lisimu liswa nonwini wa mina, Kona kudumisa ka Nungungulu wa hina. Vanyingi va ta zi wona va chava, Va ta tsumba ka Jehova.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 61:2

Nzi rilela ka wena na nzi hi magemeta-musi wa misava, Hakuva a mbilu ya mina ya mbhela ntamu; Nzi fambise ribyeni legi gi tlakukileko ku nzi hunza.

Tisimu 61:3

Hakuva u wuchavelo ga mina, U khokhola gi tiyileko mahlweni ka nala. Mav. 18:10; Nah. 1:7

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Tisimu 83:3

Va maha gujeguje go vukela a vanhu va wena, Va tsema xikungo xo vukela lava u va lonzowotako.

Tisimu 91:1

Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

Tisimu 91:15

I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Isaya 26:20

Yana, tiko ganga, enghena ti ndlwini ta wena, u ti valela; Fihlala xikhatanyana, kala a zanga yi hunza.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Va le Kolosi 3:3

Hakuva mu file, ni kuhanya ka nwina ku fihlilwe zinwe na Kristu ka Nungungulu. 2 Kor. 5:7; Gal. 2:20