Tisimu 27:14 - Tshwa Bible

¹⁴ Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Tisimu 27:14 Mawu Ofanana

Genesisi 49:18

Jehova, nzi cuwukele ku tirulwa hi wena!

Tisimu 130:5

Nza rinzela Jehova, muhefemulo wa mina wu rinzele; Nza tsumba mhaka yakwe.

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.

Tisimu 25:21

Ngha a wunene ni kululama zi nzi lonzowota, Hakuva mina nza ku langutela.

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Tisimu 31:24

Tiyani, mu tiyisa timbilu, Nwina nwentlhe mu langutelako Jehova.

Tisimu 33:20

A mihefemulo ya hina yi langutele Jehova; Hi yena muvuni wa hina ni xitlhangu xa hina. Deut. 33:29

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 37:7

Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.

Tisimu 40:1

Nzi rinzele hi lihlaza-mbilu ka Jehova, Yena i kangatele ndleve ka mina, azwa kurila ka mina.

Tisimu 62:1

A muhefemulo wa mina wu langutela Nungungulu yece; A kuhanyisa ka mina kuta hi ka yena.

Tisimu 62:5

Muhefemulo wa mina, langutela Nungungulu yece, Hakuva a kutsumba ka mina kuta hi ka yena.

Mavingu 20:22

U nga wuli uku: Nzi ta tlhelisela kubiha hi kubiha; sumba Jehova, yena i ta ku ponisa. Deut. 32:35; Rom. 12:19; 1 Tes. 5:15

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Luka 2:38

Na ata hi xwalexo xikhati, i lo bonga Nungungulu, a wulawula hi nwanana ka vontlhe lava va nga cuwukela a kutirulwa ka Jerusalema.

Mitiro 28:15

A vamakabye va le Roma, na va zwile ha hina, va lo suka va hi khinga le mutini wa Apiu ni le Mahotela Manharu; laha Paule a nga va wona i lo bonga Nungungulu, a tiyahlana.

Va le Roma 8:25

Kanilezi loku hi tsumba lezi hi nga zi woniko, zonake ha zi lavelela hi kuhonisela.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41