Tisimu 25:5 - Tshwa Bible

⁵ Nzi rangele zineneni za wena, u nzi gonzisa; Hakuva u Nungungulu wa kuhanyiswa ka mina: Nzi ku rinzele xontlhe xikhati.

Tisimu 25:5 Mawu Ofanana

Genesisi 49:18

Jehova, nzi cuwukele ku tirulwa hi wena!

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Joba 36:22

Languta, Nungungulu i tlakukile ntanwini wakwe: Himani a gonzisako ku fanana na yena?

Tisimu 107:7

I lo va rangela hi ndlela yi lulamileko, Kasi vaya mutini wo tshama kona.

Tisimu 119:26

Nzi hlawutele hi tindlela ta mina, u nzi hlamule; Nzi gonzise ziyimiso za wena.

Tisimu 119:33

Jehova, nzi gonzise a ndlela ya ziyimiso za wena, Nzi ta zi hlayisa kala magumo.

Tisimu 119:66

Nzi gonzise kupimisisa ni wutivi, Hakuva nza kholwa zileletelo za wena.

Tisimu 119:97

E, nzi wu ranzisa kuyini a nayo wa wena! Nzi wu alakanya gontlhe siku.

Tisimu 22:2

Nungungulu wa mina, nza rila ni hlikanhi kanilezi a ku hlamuli; Ni laha wusikwini kambe a nzi kumi kurula.

Tisimu 24:5

Yena i ta amukela a xikatekiso hi ka Jehova, Ni kululama hi ka Nungungulu wa kuhanyiswa kakwe.

Tisimu 25:10

Tontlhe tindlela ta Jehova ta wuxinji ni kutsumbeka, A ka lava va hlayisako xivumelwano xakwe ni wukustumunyu gakwe.

Tisimu 25:8

Jehova i nene ni kululama; Hikwalaho wa komba vaonhi a ndlela. Deut. 32:4

Tisimu 68:20

Ka hina Nungungulu hi Nungungulu loyi a hanyisako; Jehova a Hosi wa zi kota ku hanyisa kufeni. Kuv. 1:18

Tisimu 79:9

Hi vune, Nungungulu wa kuhanyiswa ka hina, Hi kota ya wudumo ga vito ga wena; Hi ponise, u hi rivalela a zionho za hina Hi kota ya vito ga wena.

Tisimu 86:3

Hosi, nzi zwele wuxinji, Hakuva nziba huwa ka wena gontlhe siku.

Tisimu 88:1

Jehova, Nungungulu wa kuhanyiswa ka mina, Nza rila mumu ni wusiku mahlweni ka wena.

Mavingu 23:17

U nga vumeli a mbilu ya wena yi va ni makangwa hi za vaonhi; anilezi chava Jehova gontlhe siku.

Mavingu 8:34

I katekile loyi a nzi zwako, oyi wontihe masiku a cuwukisako tinyangweni ta mina; oyi a rinzelako timhanzeni ta tivati ta mina.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Johani 14:26

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina. Lu. 24:49; Xip. 2:22; 16:13

Johani 16:13

Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Va le Roma 8:14

Hakuva vontlhe lava va rangelwako hi Moya wa Nungungulu, lava hi vana va Nungungulu.

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8