Tisimu 25:19 - Tshwa Bible

¹⁹ Hi nga wona a kutala ka valala va mina, Ni livengo la ntamu leli va nzi vengako ha lona!

Tisimu 25:19 Mawu Ofanana

2 Samueli 16:11

Davida aku ka Abixai ni ka wontihe malanza yakwe: Languta, a nʼwana wa mina wo huma xiwunwini xa mina, i hlota wutomi ga mina; nguvunguvu a muBenjamini loyi i ta gi lavisisa hi ntamu! Mu tsikeni a rukatela, hakuva hi zalezo a nga byelwa hi Jehova.

Tisimu 11:5

Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 140:1

Jehova, nzi hlangute ka laʼvo biha, U nzi lonzowota ka vanhu va tihanyi,

Tisimu 140:11

A munhu wa mawunwa ngha a nga humeleli misaveni; A munhu wa tihanyi i ta susumetelwa makhombyeni hi kubiha.

Tisimu 140:4

Jehova, nzi vikela mandleni ya vakubiha, U nzi lwela ka: vanhu va tihanyi, Lava va xuvako ku phinganyeta milenge ya mina.

Tisimu 143:3

Hakuva a nala wa hlokisa muhefemulo wa mina, I kanzihele wutomi ga mina lahasi; I nzi susumetele munyameni kukotisa lava va fileko kale.

Tisimu 18:48

Wa nzi tlhatlhisa valaleni va mina; A nzi tlakusa hehla ka lava va nzi vukelako; Ni ku nzi hlanguta ka munhu wa lunya.

Tisimu 27:12

U nga nzi nyikeli kuranzeni ka valala va mina; Hakuva a vakustumunyu va mawunwa va nzi vukela, Ni lava va hefemulako titseku.

Tisimu 27:2

Loku a vakubiha va tshinela A kuga nyama ya mina, A vavengi va mina ni valala va mina Va khunguvanyeka vawa.

Tisimu 38:19

Kanilezi a valala va mina va hanya khwatsi, va na ni ntamu; Mbanyingi lava va nzi vengako ahandle ka mhaka,

Tisimu 38:20

Lava va tlheliselako kusaseka hi kubiha, Valwa na mina hakuva nzi lanzela kusaseka.

Tisimu 52:2

A lirimi la wena li pola zilo zi bihileko, Li kariha khwatsi likari, wena mukhohlisi.

Tisimu 56:2

Siku ni siku a valala va mina va lava ku nzi kanzihela, Hakuva mbanyingi lava va lwako na mina hi matshanza.

Tisimu 57:4

A muhefemulo wa mina wu lomu xikari ka tinghala; Nzi etlele xikari ka lava va pupuxako nzilo; A vanhu lava a meno yabye ma nga matlhari ni tigalala, Lava a tirimi tabye ti nga tisupado to kariha.

Tisimu 86:14

Nungungulu, a vamatshanza va nzi vukela, A xidlemo xa zigevenga xi hlota wutomi ga mina; A va rangisi wena maalakanyweni yabye.

Luka 22:2

A vapristi va hombe ni vatsali va lo lava lezaku va nga mu dayisa kuyini Jesu, hakuva va wa chava vanhu. Tis. 2:2; Joh. 11:47; Miti. 4:27

Luka 23:5

Kanilezi va lo hlohlotela nguvu, vaku: Wa vuxa pfilupfilu vanhwini, hi ku gonzisa Judia gontlhe; i sangule hi le Galilea, a kala a chikela ka legi wutshamu.