Tisimu 20:8 - Tshwa Bible

⁸ Vona va korama, vawa lahasi, Kanilezi hina hi vuka hi yima hiku nde, nde!

Tisimu 20:8 Mawu Ofanana

2 Tihosi 19:23

U tlangamele Hosi hi mitsumi ya wena, uku: Nzi kanzihile hehla ka zitsunga ni wunyingi ga tikareta ta mina, nzi enghena xikari ka Lebanoni; nzi lo tsema tisinya ta kona to leha ta tisedare, ni leti to saseka ta nkuwu. Zonake nzi lo enghena lomu wutshanwini gakwe ga magumo, ni lomu mihanzweni yakwe yo saseka nguvu!

2 Kronekele 14:10

Zonake Asa i lo hlomisa a yimpi a mu khinga, va ya tlhangana lomu mikoveni ya Zefata kusuhani ni le Marexa.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Tisimu 124:8

A kuvunwa ka hina ku le vitweni ga Jehova, Loyi a nga maha tilo ni misava.

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 33:16

A hosi a yi hluli hi wunyingi ga mabutho; A nhenha a yi poni hi ntamu wa yona wa hombe. 2 Kro. 14:11

Tisimu 33:17

A mahaxi ma nga tsanzeka ku ponisa, A munhu a nga hanyiswi hi ntamu wa wona.

Mavingu 21:31

A haxi gi longiselwa a siku ga yimpi; anilezi Jehova wa nyika kuhlula.

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Mika 7:8

Nala wanga, u nga tsakeli a khombo ga mina! Hambu loku nziwa, nzi ta tlhela nzi vuka; loku nzi tshamile munyameni, Jehova i tava kuwonekela ka mina.

Joxua 11:4

Zonake ku lo tsombana leto tihosi zinwe ni tontlhe tiyimpi tabye, va wa tele nguvu khwatsi hi seke ga fungu wa bimbi, na va hi ni mahaxi ni tikareta to tala nguvu.

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.

1 Samueli 17:45

Davida aku ka muFilistia: Wena uta ka mina ni supado, ni tlhari, ni hubhula, kanilezi mina nzita ka wena hi vito ga Jehova wa tiyimpi, ni ga Nungungulu wa tiyimpi ta ka Israeli leti wena u ti tlangamelako: