Tisimu 20:6 - Tshwa Bible

⁶ Makunu nza zi tiva lezaku Jehova wa hanyisa a totilweko wakwe, I ta mu hlamula na a hi tilweni gakwe go basa, A mu ponisa hi ntamu wa canja gakwe ga xinene.

Tisimu 20:6 Mawu Ofanana

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

Tisimu 17:7

Kombisa wuxinji ga wena gi hlamalisako, Wena loyi u ponisako lava va ku tsumbako; U va lwela ka valala vabye hi woko ga wena ga xinene.

Tisimu 18:35

U nzi nyikile a xitlhangu xa kuhanyisa ka wena; A woko ga wena ga xinene gi nzi tiyisile, A wunene ga wena gi nzi kulisile.

Tisimu 18:50

Wa nyika a hosi yakwe a kuhlula ka hombe, A kombisa tipswalo ka Davida, a totilweko wakwe, Ni ka lixaka lakwe kala kupinzuka. 2 Sam. 7:8

Tisimu 2:2

A tihosi ta misava ti vuka, Ni tihosana ti tsema xikungo, Ti vukela Jehova ni a totilweko wakwe, Isa. 61:1; Kuv. 19:19

Tisimu 28:8

Jehova i ntamu wa vanhu vakwe; I khokhola ga kuhanyiswa ka a totilweko wakwe.

Tisimu 41:11

Nza zi tiva lezaku wa nzi ranza, Hakuva a nala a nga vumelwi ku hlalela ha mina.

Tisimu 9:15

A vamatiko va wele rinzini legi va nga gi kela; A milenge yabye yi phasilwe hi ntlhamu lowu va wu dembileko. Joba 18:8; Mav. 26:27

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Mika 4:5

Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Mitiro 2:36

Hikwalaho ngha yindlu yontlhe ya Israeli yi tiva hi kutiyisilweko, lezaku Nungungulu i mu mahile Hosi ni Kristu, yena Jesu loyi mu nga mu belela. Xip. 5:31

Mitiro 4:10

ngha zi tiveka ka nwina nwentlhe, ni ka vanhu vontlhe va ka Israeli, lezaku loyi munhu a yimileko mahlweni ka nwina, i hanyisilwe hi vito ga Jesu Kristu wa le Nazareta, loyi nwina mu nga mu belela, loyi Nungungulu a nga mu vuxa hi ka vafileko. Xip. 3:6

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7