Tisimu 19:7 - Tshwa Bible

⁷ A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Tisimu 19:7 Mawu Ofanana

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

Joba 23:12

Ge hambu ku tsika zileletelo za milomu yakwe; Nzi hlayisile a timhaka ta nomu wakwe ku hunza a mixuvo ya mina.

Tisimu 111:7

A mitiro ya mandla yakwe nja kutsumbeka ni nongameto, A zileletelo zakwe zontlhe zi tiyile.

Tisimu 119:105

A mhaka ya wena i kandiya mikonzweni ya mina, Ni kuwonekela le ndleleni ya mina. Mav. 6:23; 2 Ped. 1:19

Tisimu 119:111

A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.

Tisimu 119:130

A kuvululwa ka timhaka ta wena ka woningela, Ku nyika kupima ka lava va nga tlharihangiko. 2 Tim. 3:15

Tisimu 119:14

Nza tsaka hi ndlela ya wumboni ga wena Kukotisa loku nzi hi ni titshomba tontlhe.

Tisimu 119:152

Kale na nzi tivile a zikhumbuxeto za wena, Lezaku u zi tiyisile kala kupinzuka.

Tisimu 119:24

Nzi tsakela wumbonini ga wena, Hi masungukati ya mina.

Tisimu 119:72

A nayo wa nomu wa wena wucukwana Ku hunza makume ya mazana ya zipanze za nzalama ni siliva.

Tisimu 119:9

A jaha gi nga basisisa kuyini a ndlela ya gona ke? Hi ku gonga a mhaka ya wena.

Tisimu 18:30

A ndlela ya Nungungulu yi mbhelele, A mhaka ya Jehova yi longamile; I xitlhangu ka vontlhe va mu tsumbako.

Tisimu 23:3

Wa wuyiseta muhefemulo wa mina, Wa nzi hletela tindleleni to lulama Hi kota ya vito gakwe.

Tisimu 93:5

A wumboni ga wena gi tsumbekile nguvu, A kubasa ku fanele a yindlu ya wena, Kala kupinzuka, O Jehova!

Mavingu 1:4

Ma tlharihisa lava vo kala kupima, i ku nyika lava vaswa wutivi ni kualakanyela,

Isaya 8:16

Bohelela a wukustumunyu legi, u vala hi xifungo a nayo lowu xikari ka vapizani va mina.

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

Va le Roma 3:2

Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Joxua 1:8

A bhuku legi ga nayo gi nga dzuki gi hi kule ni nomu wa wena, kanilezi u ta gi alakanya mumu ni wusiku, u ti karata ku maha zontlhe lezi zi tsalilweko ka gona, kasi wa fela ku humelela ba tontlhe tindlela ta wena, u tshameka.

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9