Tisimu 19:11 - Tshwa Bible

¹¹ A nanza ga wena ga lulekwa ha zona; Loyi a zi hlayisako i na ni nchachazelo wa hombe. Levi 18:5; Joh. 14:21, 23; 1 Tim. 4:8

Tisimu 19:11 Mawu Ofanana

2 Kronekele 19:10

Kani hi yihi mhaka yi ta nga nehiwa ka nwina hi vanakuloni va akileko mitini yabye, loku ti hi timhaka ta kudaya, ni ta nayo, kutani ta zileletelo, ni ziyimiso, kutani ta kulaya, mu ta va khongotela, kasi va nga gohi ka Jehova, kasi mu nga vukelwi hi zanga ya Jehova ni vanakuloni. Mahani lezo kasi mu nga kumi nanzu,

Tisimu 119:103

A timhaka ta wena ti nanzihisa kuyini lirimini la mina, Ti tsombela ku hunza wulombe nonwini wa mina.

Tisimu 119:11

Nza fihla mhaka ya wena mbilwini yanga, Lezaku nzi nga ku onheli.

Tisimu 119:72

A nayo wa nomu wa wena wucukwana Ku hunza makume ya mazana ya zipanze za nzalama ni siliva.

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 24:14

Hizalezo ni wutlhari gi tava tano muhefemulweni wa wena; oku u gi kumile u tava ni nchachazelo, i kutsumba ka wena ku nga tava ka mahala;

Mavingu 29:18

Laha ku nga hiko na kuvululelwa a ku na nayo tikweni; anilezi loyi a hlayisako nayo i katekile.

Ezekieli 3:3

Aku ka mina: Nʼwana wa munhu, gisa a rumbu ga wena, u xurisa marambu ya wena hi bhuku legi nzi ku nyikako. Nzi lo giga; gi wa tsombela nonwini wa mina ku fanana ni wulombe.

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Mateu 6:18

kasi u fela ku kala u nga wonwi hi vanhu lezaku wa yila, u woniwa ntsena hi Raru wa wena loyi a nga xihundleni; zonake a Raru wa wena loyi a wonako xihundleni, i ta ku tlhelisela.

Mateu 6:4

lezaku a zinyikiwo za wena zi nyikiwa kufihlaleni; zonake a Raru wa wena loyi a wonako kufihlaleni i ta ku tlhelisela. Lu. 14:14

Mateu 6:6

Kanilezi wena; loku u khongela, enghena ndlwini ya wena, zonake loku u valile livati, khongela ka Raru wa wena loyi a nga xihundleni, ni Raru wa wena loyi a wonako xihundleni i taku tlhelisela. 2 Tih. 4:33

Mitiro 20:31

Hikwalaho rinzelani, na mu alakanya lezaku hi malembe manharu a nzi tsikangi ku luleka munwe ni munwani wa nwina hi mihloti a wusiku ni mumu.

1 Va le Korinte 4:14

A nzi tsali lezi aku nzi mu chela tingana, kanilezi kasi ku mu luleka kotisa vanana va mina va ranzekako.

1 Va le Tesalonika 5:14

Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Jakobe 1:25

Kanilezi loyi a cuwukako nayweni wu mbheleleko, lowu wa kutlhatlheka, a nonohisa ka wona, na a nga hi muzwi a rivalako, kanilezi na hi loyi a tirako, a munhu loyi i ta katekiswa kumaheni kakwe; Joh. 13:17; 2 Kor. 3:18

2 Johani 1:8

Ti woneleni, lezaku mu nga lahlekelwi hi lezi mu zi tirileko, kanilezi mu amukela a nchachazelo wu teleko. Gal. 3:4

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10