Tisimu 150:5 - Tshwa Bible

⁵ Mu dumiseni hi pfumawulo wa zikhwakhwakhwa, Mu dumiseni hi pfumawulo wa tingomana.

Tisimu 150:5 Mawu Ofanana

2 Samueli 6:5

Davida ni yindlu yontlhe ya ka Israeli va wo yimbelela mahlweni ka Jehova hi tontlhe tixaka ta timbila ti mahiwako hi sinya ya fira, ni zitende, ni magubhu, ni tingomana, ni tinanga, ni zikoriyo.

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

1 Kronekele 15:16

Davida i lo leletela a tihosana ta ka Levi a ku yimisa a vanakulobye ntirweni wa kuyimbelela hi timbila ni zitende, va yimbelela hi ntamu va kombisa kutsaka.

1 Kronekele 15:19

A vayimbeleli ku wa hi Hemani, na Asafa, na Etani, va nga wa hi ni zingomana za suku, va zi gidivela zi vuma nguvu;

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 16:5

A wahombe wa kona ku wa hi Asafa; ku gamela Zakaria, zonake Jeieli, na Xemiramote, na Jehieli, na Mattitia, na Eliabe, na Benaia, na Obed-Edomi, na Jeieli, na va hi ni zitende ni timbila; Asafa yena i wa gidivela a xingomana.

1 Kronekele 25:1

Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:

1 Kronekele 25:6

Vontlhe lava va wa rangelwa hi raru wabye a ku yimbelela lomu ndlwini ya Jehova; va wa hi ni tingoma, ni timbila, ni zitende za ntiro wa kukhozela lomu ndlwini ya Nungungulu. Asafa, na Jedutuni, na Hemani, va wa leletelwa hi hosi.

2 Kronekele 5:13

A vabi va mipunzu ni vayimbeleli va lo yimbelela khatiginwe, hi gezu ginwe a ku dumisa ni ku bonga Jehova. Laha va nga waba mipunzu ni tingoma, ni tinwani timbila, na va kari va yimbelela vaku: Dumisani Jehova hakuva i lulamile, hakuva a wuxinji gakwe gi simamisile kala kupinzuka! a yindlu ya Jehova yi lo tatiswa hi refu,