Tisimu 15:5 - Tshwa Bible

⁵ Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Tisimu 15:5 Mawu Ofanana

Tisimu 106:3

Va katekile, lava va hlayisako nongameto, Lava va mahako kululama xontlhe xikhati.

Tisimu 112:6

Hakuva cima a nga ta tsekatsekiswa, A wakululama i ta alakanyiwa kala kupinzuka.

Tisimu 16:8

Nzi na na Jehova mahlweni ka mina xontlhe xikhati; Cima nzi nga ta tsekatsekiswa hakuva i le reveni ga mina ga xinene.

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Eksodusi 22:24

zonake nzi ta zangara, nzi mu daya hi tlhari; kasi a vasati va nwina va maha tinoni, ni vanana va nwina va mahawu zisiwana.

Eksodusi 22:25

Loku u pembisa a mali ka munhu a vumalako xikari ka vanhu va mina, loye a tshamako na wena, u nga mahi hi ndlela yo mu rihisa bhinzu u nga pembisi kasi yi fela ku tlhela na yi engetelwe.

Mavingu 10:30

A wa kululama cima a nga ta tsekatseka; anilezi a wa kubiha a nga ta aka tikweni.

Mavingu 12:3

A munhu, a nga ta tiyisiwa hi ku biha; anilezi a mutsu wa valulamileko cima wu nga tsekatsekiswa.

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Ezekieli 18:17

loyi a nga onheliko lava va vumalako, a nga pembisi hi ku bhinzula, a lanzela zileletelo za mina ni ku hlayisa milayo ya mina; yena a nga tafa hi kota ya zigoho za raru wakwe, i ta hanya futsi.

Ezekieli 18:27

Kambe, loku a wakubiha a hunzuluka a tsika a kubiha loku a ku mahileko, a maha lezi zi nga za nayo ni nongameto, a muhefemulo wakwe wu ta hanya.

Ezekieli 18:8

loyi a nga pembisiko hi ku bhinzula, loyi a canja gakwe gi nga enghenangiko kubiheni, a lamulako xikari ka vanhu hi nongameto;

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Mateu 26:15

A yaku ngalo: Mu ta nzi nyika yini loku nzi mu nyikela ka nwina ke? Va lo mu pimela 30 wa macheleni.

Johani 13:17

Loku mu tiva a timhaka leti, mu katekile loku mu ti maha. Jak. 1:25

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Deuteronome 23:21

Loku u hlambanya xifungo ka Jehova Nungungulu wa wena, a ku maha xona, u nga hlweli ku xi maha; hakuva Jehova Nungungulu wa wena i ta xi lavisisa ka wena zonake u te kumeka na u hi ni nanzu.

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33