Tisimu 145:3 - Tshwa Bible

³ Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Tisimu 145:3 Mawu Ofanana

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

Joba 26:14

Languta, lexi hi xipanze xa mitiro yakwe ntsena, Hi zwile xipanze xitsongwani xa ndhuma yakwe ntsena, Kanilezi himani a nga pimako a kudzinza ka ntamu wakwe ke?

Joba 36:26

Languta, Nungungulu ngwa hombe, a hi gi tivi wukulu gakwe; Ge hambu a tsengo wa malembe yakwe a wu na ku hlayiwa. Isa. 63:16; Dan. 6:26; Maheb. 1:12

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.

Joba 5:9

A nga yena a mahako zilo za hombe zi nga kambiwiko, Ni zihlamaliso zo tala za tsanza vahlayi. Rom. 11:33

Joba 9:10

Loyi a mahako a zilo za hombe zi nga tibyiwiko, Ina, ni mahanjalati ma nga hiko na ku hlayiwa. Rom. 11:33

Tisimu 139:6

A kutiva ka kunghahi ka nzi hlamalisa, Ku tlakukile, a nzi zi koti ku ku pima.

Tisimu 147:5

A Hosi ya hina nja hombe, yi na ni ntamu wa hombe; A wutlhari ga yona a gi na lipimo. Rom. 11:33

Tisimu 48:1

Jehova ngwa hombe, i fanelwe hi ku dumiswa nguvu, Lomu mutini wa Nungungulu wa hina, laha xitsungeni xakwe xo basa.

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Va le Roma 11:33

Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9