Tisimu 144:13 - Tshwa Bible

¹³ A zigurumbu za hina zi tele hi kuga ka tixakaxaka, Ni tiyivu ta hina ti pswala ha khume ga mazana, Ina, mazana ya mazana lomu mikoveni ya hina.

Tisimu 144:13 Mawu Ofanana

Levi 26:10

Mu taga a mavele laya ma tshovelweko kale, kala mu ma humesa hi ku chela mavele ya maswa.

Levi 26:5

Lomu tikweni ga nwina, a xikhati xa ku hula xi ta chikela xikhatini xa ku kamela vinya; ni xikhati xa ku kamela vinya xi ta chikela xikhatini xa ku byala. Mu taga zakuga za nwina mu xura, mu tshameka khwatsi lomu tikweni ga nwina.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Deuteronome 28:4

Ku ta katekiswa ni pswalo wa miri wa wena, ni mihanzu ya masimu ya wena, ni mihanzu ya mitlhambi ya wena, ya tihomu ni ya tiyivu.

Deuteronome 28:8

Jehova i ta leletela a zikatekiso a kuva lomu ka zigurumbu za wena, ni ka yontlhe mitiro ya mandla ya wena, ni ku ku katekisa lomu ka tiko legi Jehova Nungungulu wa wena a ku nyikako gona.

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.