Tisimu 144:12 - Tshwa Bible

¹² A varisanyana va hina va taku khwatsi makhuhu, Ma kula wusweni ga wona; Ni vanhwana va hina vaku khwatsi maribye ya magumo Ma vatlilweko kasi ku bombisa ziluvelo za tihosi.

Tisimu 144:12 Mawu Ofanana

Joba 42:15

A tikweni gontlhe ku wa nga hi kona a wasati wo saseka khwatsi hi vanhanyana va Joba; ni dadani wabye i lo va avela tshomba xikari ka vamakabye vabye.

Tisimu 128:3

A sati wa wena i ta fana ni vina wu pswalako nguvu lomu ndlwini ya wena; A vana va wena va ta fana ni makhuhu ya mioliva loku va ranzele meza ya wena.

Mikosi 4:2

A vana va zikududu va le Zioni va fananako ni nzalama yi hlutilweko, Hikuyini va hlayiwako kota maguwana ya wumba, wu nga ntiro wa mandla ya muwumbi?

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Deuteronome 7:13

na yena i ta ku ranza, a ku katekisa, a ku anzisa; na yena i ta katekisa a pswalo wa rumbu ga wena, ni ku katekisa mihanzu ya masimu ya wena, ni mavele ya wena, ni vinya ga wena, ni mafura ya wena, ni kupswala ka tihomu ta wena ni tiyivu ta wena, ka tiko legi a hlambanyileko ka vararu va wena ku ku nyika gona.