Tisimu 143:8 - Tshwa Bible

⁸ Nzi mahe nzizwa wuxinji ga wena laha mixweni, Hakuva nzi tsumba ka wena; Nzi tivise a ndlela leyi nzi faneleko ku famba ha yona, Hakuva nza tlakusa muhefemulo wa mina ka wena.

Tisimu 143:8 Mawu Ofanana

Tisimu 119:34

Nzihe kupima, nzi ta hlayisa a nayo wa wena, Futsi, nzi ta wu hlayisa hi mbilu ya mina yontlhe.

Tisimu 119:73

A mandla ya wena ma lo nzi maha, ma nzi wumba; Nzihe kupima kasi nza gonza zileletelo za wena.

Tisimu 143:10

Nzi gonzise ku maha kuranza ka wena, Hakuva u Nungungulu wa mina; A moya wa wena loʼwu nene, a wu nzi fambise tikweni ga ku lulama.

Tisimu 25:20

Hlayisa a muhefemulo wa mina, u nzi tlhatlhisa; Ngha nzi nga wiswi tingana loku nzi chavela ka wena.

Tisimu 27:11

Jehova, nzi gonzise a ndlela ya wena, U nzi rangela ndleleni yi lulamileko Hi kota ya valala va mina.

Tisimu 30:5

Hakuva a zanga yakwe nja xikhatanyana ntsena, Kanilezi a thomo gakwe gi enela kuhanya kontlhe. A kurila ku ngava kona laha gambyeni, Kanilezi laha mixweni kuva kona litsako. Isa. 54:7; Joh. 16:20; 2 Kor. 4:17

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Tisimu 42:8

Laha hlikanhini Jehova i wa lelela a wuxinji gakwe ha mina, Ni laha wusikwini nzi wa kari nzi yimbelela ha yena, Nzi kombela ka Nungungulu wa wutomi ga mina.

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Tisimu 5:8

Jehova, nzi rangele kululameni ka wena hi kota ya valala va mina; Lulameta a ndlela ya wena mahlweni ka mina.

Tisimu 59:16

Kanilezi mina nzi ta yimbelela a ntamu wa wena, Ina, ni mixo nzi ta yimbelela hi wuxinji ga wena hi gezu ga hombe, Hakuva u wa hi khokhola ga mina, Ni wuchavelo hi siku ga khombo ga mina.

Tisimu 86:4

Tsakisa a muhefemulo wa nanza ga wena, Hakuva nza tlakusa a muhefemulo ka wena, Hosi.

Tisimu 90:14

Hi xurise hi wuxinji ga wena na ka hi mixo, Kasi ha fela ku bhuma ni ku tsaka masiku wontihe ya hina.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Mikosi 3:41

A hi tlakuseni a timbilu ta hina ni mandla ya hina Ka Nungungulu loyi a nga le tilweni.

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Valamuli 13:12

Manoa aku: Loku lezi u zi wulileko zi maheka, hi yihi milayo ni mitiro leyi yi ta nga fumela a nwanana wa kona?

1 Samueli 23:12

Zonake Davida aku: A vanhu va lomu Keila va ta nzi nyikela ni vanhu va mina mandleni ya Saule ke? Jehova aku: Va ta mu nyikela.