Tisimu 143:10 - Tshwa Bible

¹⁰ Nzi gonzise ku maha kuranza ka wena, Hakuva u Nungungulu wa mina; A moya wa wena loʼwu nene, a wu nzi fambise tikweni ga ku lulama.

Tisimu 143:10 Mawu Ofanana

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Tisimu 118:28

Wena u Nungungulu wa mina, nzi ta ku bonga; Wena u Nungungulu wa mina, nzi ta ku kulisa.

Tisimu 119:12

A ku khesiwe, wena Jehova! Nzi gonzise a ziyimiso za wena.

Tisimu 119:35

Nzi mahe nzi famba zileletelweni za wena, Hakuva nza zi tsakela.

Tisimu 139:24

U cuwuka loku nzi kari nzi famba hi ndlela ya kubiha, U nzi rangela ndleleni ya pinzukelwa.

Tisimu 140:6

Nzi te ngalo ka Jehova: Wena u Nungungulu wa mina! Zwana a gezu ga mikhongelo ya mina, Jehova.

Tisimu 22:1

Nungungulu wa mina, Nungungulu wa mina, U nzi tsikele yini ke? Hikuyini u yimile kule, u nga nzi vuni, Na u nga anguli kurila ka mina?

Tisimu 23:3

Wa wuyiseta muhefemulo wa mina, Wa nzi hletela tindleleni to lulama Hi kota ya vito gakwe.

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 27:11

Jehova, nzi gonzise a ndlela ya wena, U nzi rangela ndleleni yi lulamileko Hi kota ya valala va mina.

Tisimu 31:14

Kanilezi nzi ku tsumbile, Jehova, Nziku: Wena u Nungungulu wa mina.

Tisimu 63:1

Nungungulu, wena u Nungungulu wa mina, nza ku lavisisa, A muhefemulo wa mina wuzwa tora ha wena, A miri wa mina wu navela wena. Lomu tikweni ga xikhwangula gi nga hiko na mati.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 63:14

Khwatsi zifuyo zi relelako nkoveni, A Moya wa Jehova wu lo va nyika kuhumula. Hizalezo u nga rangela tiko ga wena, Kasi u ti mahela a vito gi dumileko.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Mitsengo 9:22

Hambu loku a refu go tshama hehla ka tabemakeli masiku mambiri kutani hweti, kutani xikhati xo leha nguvu, vonawu a vanana va ka Israeli va wo tshama matendeni yabye va nga suki; zonake loku gi suka, vonawu va wo andlamuka.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Johani 14:26

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina. Lu. 24:49; Xip. 2:22; 16:13

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 15:30

Makunu nza mu khongotela, vamakabye, hi Hosi ya hina Jesu Kristu, ni liranzo la Moya, lezaku mu hlengela na mina a kulwa hi mikhongelo ka Nungungulu ha mina; 2 Kor. 1:11; Fil. 2:1; Kol. 4:12

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

Va le Roma 8:2

Hakuva a nayo wa Moya wa kuhanya loku ka Kristu Jesu wu nzi tlhatlhisile nayweni wa kuonha ni wa kufa. Joh. 8:36; 1 Kor. 15:45; Gal. 2:19

Va le Roma 8:26

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko. Mat. 20:22; Efe. 6:18; Zak. 12:10

Va le Efesusi 4:30

Mu nga vangeli wusiwana a Moya wa ku Basa wa Nungungulu, lowu mu nga fungiwa ha wona hi kota ya siku ga kutirulwa. Isa. 63:10; Rom. 8:23

Va le Efesusi 5:9

hakuva a mihanzu ya kuwonekela hi wunene gontlhe, ni kululama, ni zinene;

2 Timote 1:7

Hakuva Nungungulu a nga hi nyikangi a moya wa wutoya, kanilezi wa ntamu ni liranzo ni kutikhoma. Lu. 24:49; Rom. 8:15

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10