Tisimu 142:3 - Tshwa Bible

³ Laha a moya wa mina wu nga ni gome nzeni ka mina, Hi wena loyi u tivako ndlela ya mina. Va vekile ziyo laha ndleleni nzi fambako ha yona.

Tisimu 142:3 Mawu Ofanana

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 102:1

Zwana mukombelo wa mina, Jehova; A kurila ka mina a kute ka wena.

Tisimu 102:4

A mbilu ya mina yi bilwe, yi wuna khwatsi i byanyi, Hakuva nzi rivala a kuga xibaba xa mina.

Tisimu 140:5

A vamatshanza va nzi fihlele mi nzhiyo ni tingoti; Va dembile ziyo tlhelweni ga ndlela, Va nzi dembele hi marinzi. (Sela.)

Tisimu 141:9

Nzi ponise ka maziyo lawa va nzi dembeleko, Ni ka mintlhamu ya vamahi va kubiha.

Tisimu 143:4

A moya wa mina wu na ni gome nzeni ka mina, A mbilu ya mina ya xaniseka xifuveni xa mina.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Tisimu 31:4

Nzi tlhatlhise tlhanwini lowu va nzi dembeleko, Hakuva wena u wuchavelo ga mina.

Tisimu 56:6

Va tsombana va xiyelela mikonzo ya mina, Hakuva va hlota a wutomi ga mina.

Tisimu 61:2

Nzi rilela ka wena na nzi hi magemeta-musi wa misava, Hakuva a mbilu ya mina ya mbhela ntamu; Nzi fambise ribyeni legi gi tlakukileko ku nzi hunza.

Tisimu 62:9

Kunene, a vanhu va wulahasi a va nyawuli, Ni vanhu va hombe mbunwa ntsena; Loku va vekiwa xikalwini va hehuka ku hunza kuhefemula. Isa. 40:15, 17; Dan. 5:27

Tisimu 77:3

Loku nzi alakanya Nungungulu nzi karateka, Nzi keta, a moya wa mina na wu tikelwa. (Sela.) Isa. 26:16

Jeremia 18:22

A tihuwa a ti zwale tindlwini tabye Gona siku u nehako a ntlawa wa vaphangi kabye hi xitshuketi; Hakuva va kelile a rinzi go nzi hojometa kona. Ni ku dembela mithlamu mikonzweni ya mina.

Mikosi 2:19

Vuka, uba huwa ni wusiku, kusanguleni ka xikhati xa kurinzela; Chulula a mbilu ya wena ku fana ni mati mahlweni ka nghohe ya Hosi; Mu tlakusele a mandla ya wena hi kota ya wutomi ga vana va wena, Lava va fako hi ndlala laha magunweni ya maruwa wontlhe.

Mateu 22:15

Zonake a vaFarisi va lo famba va ya tsema khungo lezaku va ta mu dembelisa kuyini kuwulawuleni kakwe. Mar. 12:13; Lu. 20:20