Tisimu 140:5 - Tshwa Bible

⁵ A vamatshanza va nzi fihlele mi nzhiyo ni tingoti; Va dembile ziyo tlhelweni ga ndlela, Va nzi dembele hi marinzi. (Sela.)

Tisimu 140:5 Mawu Ofanana

Joba 18:9

Ni tlhamu wu ta mu phasa hi xirenze; A tizinga li ta mu khoma.

Tisimu 119:110

A vakubiha va nzi vekele a nzhiyo, A nzi hambunyetangi a zileletelo za wena.

Tisimu 119:69

A vamatshanza va nzi hembele wunwa, Nzi ta hlayisa zileletelo za wena hi mbilu ya mina yontlhe.

Tisimu 119:85

A vamatshanza va nzi kelele marinzi, Lava va nga fambiko nayweni wa wena.

Tisimu 142:3

Laha a moya wa mina wu nga ni gome nzeni ka mina, Hi wena loyi u tivako ndlela ya mina. Va vekile ziyo laha ndleleni nzi fambako ha yona.

Tisimu 31:4

Nzi tlhatlhise tlhanwini lowu va nzi dembeleko, Hakuva wena u wuchavelo ga mina.

Tisimu 35:7

Hakuva ahandle ka mhaka va nzi dembele ntlhamu; Va nzi kelele rinzi go susa wutomi ga mina ahandle ka xigelo. Miti. 22:15

Tisimu 36:11

Ngha konzo wa wamatshanza wu nga nzi kanziheli; A canja ga wakubiha gi nga nzi hlongoli.

Tisimu 43:1

Nungungulu, tsema mhaka ya mina, u nzi yimela Ka lixaka leli li nga hiko na wunene; Nzi hlangute ka vakhohlisi ni lava va nga lulamangiko.

Tisimu 57:6

Va dembile mitlhamu lahasi ka mikonzo ya mina; A muhefemulo wa mina wu koramile; Va nzi kelele rinzi, Vona wutsumbu va tlhela va wela ka gona. (Sela.)

Mavingu 24:15

O wena wa kubiha, u nga ongozeli a muti wa loyi a lulamileko; nga gohi wutshamu gakwe ga kuhumula.

Mavingu 29:5

A munhu loyi a xengetelako muakelane wakwe, mu vekela maziyo ka milenge yakwe.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 18:20

Xana a zinene zi ta tlheliselwa hi kubiha ke? Hakuva va kelile a nkele kasi ku hojometa a muhefemulo wa mina. Alakanya lezaku nzi yimile mahlweni ka wena, Kasi nzi va koxela zinene, Ni ku tlhelisela kule na vona a khulo ga wena.

Jeremia 18:22

A tihuwa a ti zwale tindlwini tabye Gona siku u nehako a ntlawa wa vaphangi kabye hi xitshuketi; Hakuva va kelile a rinzi go nzi hojometa kona. Ni ku dembela mithlamu mikonzweni ya mina.