Tisimu 139:1 - Tshwa Bible

¹ Jehova, u nzi hlotile, wa nzi tiva.

Tisimu 139:1 Mawu Ofanana

2 Samueli 7:20

Xini a nga engetako a wula Davida ka wena? Hakuva wena wa gi tiva a nanza ga wena, Hosi Jehova!

1 Tihosi 8:39

va ingise na u hi kwaseyo tilweni laho u tshamileko kona, u va tsetselela u tira; u nyika ka munwe ni munwani kotisa tindlela takwe, kota lezi wena u tivako a mbilu ya munhu, hakuva hi wena wece u tivako timbilu ta vontlhe vanana va vanhu, Tis. 7:10; Jer. 11:20; 17:10

2 Tihosi 19:27

Kanilezi mina nza tiva kutshama ka wena, ni kuhuma ka wena, ni kuenghena ka wena, ni khulo ga wena ha mina.

1 Kronekele 17:18

Xana wa ha ta ku byela yini Davida hi wudumo gontlhe legi u nyikileko a nanza ga wena ke? Hakuva wena wa tiva a nanza ga wena.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 139:23

Nungungulu, nzi hlole, u tiva mbilu ya mina; Nzi ringe, u tiva a maalakanyo ya mina.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Jeremia 12:3

O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Kuvululelwa 2:18

Tsalela a ngelosi ya bandla ga le Tiatira, uku: A Nʼwana wa Nungungulu loyi a nga ni mahlo yo khwatsi malangavi ya nzilo, ni mikonzo yo khwatsi i suku wu ngangamelako, i ngalo:

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6