Tisimu 137:3 - Tshwa Bible

³ Lava va nga hi yisile wukhumbini Va wa kombela tisimu ka hina, Ni vaxanisi va hina va hi kombela tisimu ta litsako, Vaku; Ma nga hi yimbelelani tisimu ta Zioni!

Tisimu 137:3 Mawu Ofanana

1 Kronekele 15:27

Davida i wa ambele a nguwo ya wukene yo saseka, ni vaLevi vontlhe lava va nga wa rwele a arke, ni vayimbeleli, na Kenania a murangeli wa vayimbeleli; Davida i wa ambele kambe a efode ya wukene.

1 Kronekele 16:7

A siku lego Davida i lo sangula ku leletela Asafa ni vanakulobye a ku dumisa Jehova, vaku:

Nehemia 4:2

I lo wulawula mahlweni ka vanakulobye ni ka yimpi ya Samaria, aku: Zini yi mahako mikoxa leyi ya vaJuda? Hi ta va tsika va vuxa a ntamu wabye ke? Va ta maha miphahlo ke? Va ta mbheta ntiro lowu hi siku ginwe ke? Va ta vuxa a maribye lawa ma mahileko tinhulu ta fenze hi ku hisiwa hi nzilo ke?

Tisimu 65:1

Nungungulu, u dumiswa hi kurula le Zioni; A zifungo za vanhu zi rihiwa ka wena kona.

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Tisimu 80:6

A vaakelwane va hina va bangelana ba hina, Ni valala va hina va hi tseketsela.

Tisimu 9:14

Kasi nza zwata a wudumo ga wena gontlhe. Lomu tinyangweni ta nhwana wa Zioni Nzi ta nengela hi kuhanyisa ka wena.

Mavingu 25:20

A ku yimbelela lisimu ka loyi a nga ni mbilu yi binzileko, u khwatsi ku tlhatlha a nguwo hi xikhati xa xirami, ni ku chela vinagre hehla ka nitro.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Luka 21:6

Hi xungetano ni lezi mu zi wonako, a masiku ma tata lawa ku to kala ku nga siyiwi laha ni ribye ginwe hehla ka ginwani, legi gi ta nga kala ku khungumulwa.