Tisimu 133:3 - Tshwa Bible

³ Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 133:3 Mawu Ofanana

Tisimu 16:11

Wena u ta nzi kangeta a ndlela ya wutomi; A mahlweni ka wena ku tele hi litsako, Ni canjeni ga wena ga xinene ku tele hi kuxalala kala kupinzuka.

Tisimu 21:4

I lo kombela wutomi, wena u mu nyika, A wutomi go leha, ga pinzukelwa. Tis. 61:6; Rom. 6:9

Tisimu 21:5

A wudzunzo gakwe ga hombe hi kota ya kuhlula ka wena; U mu nyikile wukosi ni wukulu.

Tisimu 42:8

Laha hlikanhini Jehova i wa lelela a wuxinji gakwe ha mina, Ni laha wusikwini nzi wa kari nzi yimbelela ha yena, Nzi kombela ka Nungungulu wa wutomi ga mina.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Levi 25:21

Mina nzi ta mu katekisa nguvu; a lembe ga wuntlhanu ni ginwe gi ta pfuna a kuga ku ringanako malembe manharu;

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 5:24

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini. Xip. 3:16, 18; 6:40, 47; 1 Joh. 3:14

Johani 5:29

va huma; lava va mahileko kusaseka, va vuka a kuya wutomini; ni lava va mahileko kubiha, va vuka vaya kulamulweni. Isa. 26:19; Dan. 12:2; Mat. 25:46

Johani 6:68

Simoni Pedro i lo mu hlamula, aku: Hosi, hi taya ka mani ke? Wena u na ni timhaka ta wutomi ga pinzukelwa. Miti. 5:20

Va le Roma 5:21

lezaku kota lezi a kuonha ku nga fuma kufeni, lezo kambe a tipswalo ti fela ku fuma hi kululama ku yisako wutomini ga pinzukelwa ha Jesu Kristu a Hosi ya hina.

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Deuteronome 28:8

Jehova i ta leletela a zikatekiso a kuva lomu ka zigurumbu za wena, ni ka yontlhe mitiro ya mandla ya wena, ni ku ku katekisa lomu ka tiko legi Jehova Nungungulu wa wena a ku nyikako gona.

Deuteronome 4:48

Kusukela le Aroera legi gi nga le mbhirini wa congo wa Amoni, kala le xitsungeni xa Sioni, xi nga Hermoni,

Joxua 13:11

ni Gileade, ni tiko ga ka Gexure, ni va ka Makati, ni xontlhe xitsunga xa Hermoni, ni gontlhe Baxani, kala le Saleka;

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

1 Johani 5:11

A wukustumunyu ga kona hi legi, gaku Nungungulu i hi nyikile a wutomi ga pinzukelwa, a wutomi legi gi kona ka Nʼwana wakwe.

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9