Tisimu 132:9 - Tshwa Bible

⁹ A vapristi va wena a va ambale kululama, Ni vobasa va wena va kanyuluka hi kutsaka.

Tisimu 132:9 Mawu Ofanana

2 Kronekele 6:41

Makunu Jehova Nungungulu, Suka uta laha wutshanwini ga wena ga kuhumula, wena ni arke ga ntamu wa wena! Jehova Nungungulu, ngha vapristi va wena va fenengetiwa hi kuhanyiswa, ni lava va ku ranzako ngha va tsakela a wunene ga wena. Mitse. 10:35; Tis. 132:8

Joba 29:14

Nzi lo ambala kululama, a ku khwatsi tinguwo, A nongameto wa mina wu wa ku khwatsi i kumba ni xihuku. Isa. 59:17; Efe. 6:14

Tisimu 104:1

Khesa Jehova, muhefemulo wa mina! Jehova, Nungungulu wa mina, u wa hombe nguvu; U ambele wukosi ni kungangamela.

Tisimu 132:16

Nzi ta ambexa vapristi va gona hi kuhanyisa, Ni vakubasa va gona va ta kanyuluka hi litsako.

Tisimu 149:5

A vakubasa a vave ni zigingi hi kota ya wukulu gakwe, Va yimbelela hi litsako masangweni yabye.

Tisimu 47:1

Phakatelani mandla, nwina nwentlhe matiko; Kanyulukani ka Nungungulu hi migiyo.

Tisimu 68:3

Kanilezi a vakululama va tsaka, va khana mahlweni ka Nungungulu; Ina, va tsaka nguvu.

Tisimu 70:4

Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena A va simame vaku: A kuliswe Jehova!

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 65:14

Langutani a malanza ya mina ma ta yimbelela hi kutsaka ka timbilu tabye, Kanilezi nwina mu ta rila hi kubayiseka ka timbilu, Mu kanyuluka hi kukarateka ka moya.

Zefania 3:14

Yimbelela, wena nhanyana wa le Zioni! Khana wena Israeli! Tsaka, u nengela hi mbilu ya wena yontlhe, wena nhanyana wa Jerusalema!

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Va le Roma 13:14

Kanilezi ambalani a Hosi Jesu Kristu, mu nga alakanyeli a nyama, a kuva mu lanza a kunavela ka yona. Gal. 3:27; 5:16

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.