Tisimu 126:2 - Tshwa Bible

² Zonake a milomu ya hina yi wa tele hi mahleko, Ni tirimi ta hina hi kuyimbelela; Zonake xikari ka matiko a vaku: Jehova i va mahele zilo za hombe.

Tisimu 126:2 Mawu Ofanana

Ezra 3:11

Zonake vontlhe va lo yimbelela, va dumisa, va bonga Jehova, vaku: Hakunene, i nene, hakuva a kuranza ka wunene gakwe ka Israeli ku simamile kala kupinzuka. A vanhu vontlhe va lo kanyuluka va maha guwa ga hombe hi ku dumisa Jehova, hakuva ku wa akilwe a xiseketelo xa yindlu ya Jehova.

Nehemia 6:16

Laha vontlhe valala va hina va nga zizwa, a vamatiko vontlhe va nga wa hi renzelekele va lo chava, va tsanwa nguvu, hakuva va wa zi pima lezaku a ntiro lowu wu wa mahilwe hi Nungungulu wa hina.

Joba 8:21

Kala a tata nomu wa wena hi mahleko, Ni milomu ya wena hi kutsaka.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 51:14

Nungungulu, nzi tlhatlhe nanzwini wa nkhata, O Nungungulu wa kuhanyisa ka mina; Kasi a lirimi la mina la yimbelela a kululama ka wena. 2 Sam. 11:7

Tisimu 53:6

O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Tisimu 71:19

Nungungulu, a kululama ka wena ku tlakukile nguvu, U mahile zilo za hombe, Nungungulu, himani a ringanako na wena ke? Ekso. 15:11; 2 Sam. 7:22

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Ezekieli 36:36

Zonake a matiko lawa ma seleko kusuhani na nwina ma ta zi tiva lezaku hi mina Jehova nzi vuxileko a matshamu ma khungumulweko, nzi byala lezi zi nga hi xiwula; mina Jehova nzi zi wulile, nzi ta zi maha.

Mitsengo 23:23

Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.