Tisimu 125:1 - Tshwa Bible

¹ Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 125:1 Mawu Ofanana

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Tisimu 120:1

Nzi loba huwa ka Jehova kuxani sekeni ka mina, Yena i lo nzi hlamula.

Tisimu 121:1

Nzi tlakusela mahlo ya mina zitsungeni, Kuta hi kwihi a kuvunetela ka mina ke?

Tisimu 122:1

Nzi lo tsaka laha va ngaku ngalo ka mina: A hi yeni ndlwini ya Jehova.

Tisimu 123:1

Nza tlakusa mahlo ya mina ka wena, Wena loyi u tshamako matilweni.

Tisimu 124:1

Loku Jehova a wa nga hi tlhelweni ga hina, Israeli a wule lezo:

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 20:8

Vona va korama, vawa lahasi, Kanilezi hina hi vuka hi yima hiku nde, nde!

Tisimu 25:2

Nungungulu wa mina, nzi ku tsumbile; Ngha nzi nga wiswi tingana. Ngha valala va mina va nga mahi migiyo ha mina.

Tisimu 25:8

Jehova i nene ni kululama; Hikwalaho wa komba vaonhi a ndlela. Deut. 32:4

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 34:22

Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Tisimu 46:6

A matiko ma maha pfilupfilu, ni mifumo yi tsekatsekiswa, I lo zwata gezu gakwe, misava yi nyeka.

Tisimu 62:2

Hi yena yece a nga ribye ga mina ni kuhanyiswa ka mina; I khokhola ga mina, nzi nga ta tsekatsekiswa nguvu.

Tisimu 62:3

Ku ta kala kuva rini na ma ha zangarela munhu loyi ke, A ku mu lovisa khatiginwe? Kotisa a khurisi gi khuyukileko ni lihlavu li lavako kuwa.

Tisimu 62:6

Hi yena yece a nga ribye ga mina ni kuhanyiswa ka mina, I khokhola ga mina, nzi nga ta tsekatsekiswa:

Tisimu 62:7

A kuhanyiswa ka mina ni wudzunzo ga mina zi ka Nungungulu; A ribye ga ntamu wa mina, ni wuchavelo ga mina zi le ka Nungungulu.

Mavingu 10:25

Loku xipupuri xi hunzile a wa kubiha a nga ha hi kona; anilezi a wa kululama xiseketelo xa simasima. 2 Tim. 2:19

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Isaya 51:8

Hakuva va ta giwa hi tisumba khwatsi i nguwo, Ni ziwungwani zi ta vaga kota woya; Kanilezi a kululama ka mina ku ta su tsoma kala kupinzuka, Ni kuhanyisa ka mina ku tava ka zizukulwana ni zizukulwana.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Zakaria 1:14

A ngelosi leyi yi nga wulawula na mina, yiku ka mina: Kanela uku: Jehova wa tiyimpi i ngalo: Nzi na ni xiluse xa hombe ha Jerusalema na Zioni,

Zakaria 1:17

Kanela kambe, uku: Jehova Wa tiyimpi i ngalo: A makatekwa ma ha ta enzeleka mitini ya mina, Jehova i ta tangalisa Zioni, a hlawula Jerusalema.

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6