Tisimu 122:9 - Tshwa Bible

⁹ Hi kota ya yindlu ya Jehova, Nungungulu wa hina, Nzi ta ku lavela zinene za wena.

Tisimu 122:9 Mawu Ofanana

1 Kronekele 29:3

Tlhatakumbiri, hi kuranza ka mina a yindlu ya Nungungulu wa mina, lezi nzi nga nazo za nzalama ni siliva, lezi zi lumbako mina, nza zi nyikela a kuva ziva za yindlu ya Nungungulu wa mina, ahandle ka lezi nzi zi longiseleko a yindlu ya ku basa.

Nehemia 13:14

Nungungulu wa mina, nzi alakanye hi kota ya zontlhe lezo, u nga fuvisi a mitiro leyi yi nene nzi yi maheleko a yindlu ya Nungungulu wa mina, ni kulonzowotwa ka yona.

Nehemia 2:10

Laha Sanballati a muHoroni, na Tobia a nanza, a muAmoni, va nga wa zi zwile zi lo va karata nguvu, hi kuzwa lezaku ku tile wanuna loyi a telako ku ta hlotela vanana va ka Israeli a kutshameka khwatsi. Nehemia a sangula ku aketa ligingisi la muti.

Estere 10:3

Hakuva muJuda Mordekai hi yena a nga gamela hosi Ahasuerusi a hi wa hombe xikari ka vaJuda, na a ranzeka ka zidlemo za va ka kabye, a va mahela kusasa, a kanela kurula ka lixaka lontlhe la ka kabye. Gen. 41:40

Tisimu 26:8

Jehova, nza ranza a wuakelo ga yindlu ya wena, Ni wutshamu legi gi nga ni kungangamela ka wena. Ekso. 40:34

Tisimu 69:9

Hakuva a ku pangamela a yindlu ya wena ku nzi mitile; Ni ziruko za lava va ku rukatelako zi nzi wele. Joh. 2:17; Rom. 15:3

Tisimu 84:10

Hakuva a ku tshama siku ginwe ndlwini ya wena Ku sasekile ku hunza ku tshama khume ga mazana lahandle. Nza ranza a kuva nzi hi muhlayisi wa livati lomu ndlwini ya Nungungulu wa mina, Ku hunza a ku tshama matendeni ya vakubiha.

Johani 2:17

Zonake a vapizani vakwe va lo alakanya lezaku ku tsalilwe ku ngalo: A ku pangamela a yindlu ya wena ku ta nzi nwalala. Tis. 69:9