Tisimu 119:98 - Tshwa Bible

⁹⁸ A zileletelo za wena za nzi tlharihisa ku hunza valala va mina, Hakuva zi na mina xontlhe xikhati.

Tisimu 119:98 Mawu Ofanana

Tisimu 119:11

Nza fihla mhaka ya wena mbilwini yanga, Lezaku nzi nga ku onheli.

Tisimu 119:30

Nzi hlawule a ndlela ya kutsumbeka, A zilayelo za wena nzi zi vekile mahlweni ka mina.

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Mavingu 28:5

A vanhu va bihileko a va pimi lezi zi lulamileko; anilezi lava va hlotako Jehova va pima zilo zontlhe.

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

Deuteronome 4:8

Ni lezaku gi kwihi kambe a tiko ga hombe legi gi nga ni milayo ni zileletelo zi lulamileko khwatsi hi yontlhe milayo leyi nzi yi vekako nyamutlha mahlweni ka nwina?

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Jakobe 1:25

Kanilezi loyi a cuwukako nayweni wu mbheleleko, lowu wa kutlhatlheka, a nonohisa ka wona, na a nga hi muzwi a rivalako, kanilezi na hi loyi a tirako, a munhu loyi i ta katekiswa kumaheni kakwe; Joh. 13:17; 2 Kor. 3:18

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

1 Samueli 18:30

Laha tihosi ta vaFilistia ti nga wa huma ku ya hlasela, Davida xontlhe xikhati i wa humelela ku hunza wontihe malanza ya Saule; hikwalaho a vito gakwe gi wa ranzeka nguvu.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.