47 Nzi ta tsakela zileletelo za wena, Lezi nzi zi ranzako.
Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.
Nza venga lava va timbilu timbiri, Kanilezi a nayo wa wena nza wu ranza. 1 Tih. 18:21; Jak. 1:8
U susa vontlhe vakubiha va misava khwatsi makaha, Hikwalaho nza ranza a zikhumbuxeto za wena.
Nza ranza zileletelo za wena ku hunza nzalama, Ku hunza nzalama yi basileko.
A mhaka ya wena yi basile nguvu, A nanza ga wena ga yi ranza.
Alakanya lezaku nza ranza a zileletelo za wena, Jehova, nzi hanyise hi tipswalo ta wena.
Nzi ta tsakela ziyimiso za wena, Nzi nga rivali a mhaka ya wena.
Nza venga ni ku nyenya mawunwa, A nayo wa wena nza wu ranza.
Muhefemulo wa mina wu gonga a zikhumbuxeto za wena, Nza zi ranza ku hunza mpimo.
Jehova, nza navela a kuhanyisa ka wena, A nayo wa wena litsako la mina.
Nzi tsakela wumbonini ga wena, Hi masungukati ya mina.
Nzi ta tlakusela mandla ya mina zileletelweni za wena, Lezi nzi zi ranzako; Nzi ta ehleketa a ziyimiso za wena.
E, nzi wu ranzisa kuyini a nayo wa wena! Nzi wu alakanya gontlhe siku.
Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4
Lezoke a nayo wu basile, ni kulaya ku basile, ku lulamile ni kusaseka, Tis. 19:8; 1 Tim. 1:8
Kanilezi loku nzi maha lezi nzi nga zi ranziko, nza vumela lezaku a nayo wu nene.
Hakuva nza tsakela a nayo wa Nungungulu hi munhu loyi a nga xikari ka mina. Tis. 1:2; 2 Kor. 4:16
Ngha mu hi ni kupima loku a nga hi nako Kristu Jesu; Joh. 13:15
Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11
