Tisimu 119:173 - Tshwa Bible

¹⁷³ A canja ga wena a gi nzi vune, Hakuva nzi ti hlawulele a zileletelo za wena.

Tisimu 119:173 Mawu Ofanana

1 Kronekele 4:10

Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

Tisimu 119:111

A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.

Tisimu 119:117

Nzi tiyise lezaku nzi pona, A ziyimiso za wena zi tava mahlweni ka mina xontlhe xikhati.

Tisimu 119:30

Nzi hlawule a ndlela ya kutsumbeka, A zilayelo za wena nzi zi vekile mahlweni ka mina.

Tisimu 119:35

Nzi mahe nzi famba zileletelweni za wena, Hakuva nza zi tsakela.

Tisimu 119:40

Languta, nzi lavela a zileletelo za wena, Nzi hanyise hi kululama ka wena.

Tisimu 119:94

Nzi wa wena, nzi hlangute; Hakuva nza hlota zileletelo za wena. Rom. 14:8; 1 Kor. 6:20

Tisimu 37:24

Hambu loku awa, a nga ta wela magumo, Hakuva Jehova i mu khomile hi woko.

Mavingu 1:29

Hakuva va vengile wutivi, ima a va ti hlawulelangi ku chava Jehova:

Marku 9:24

Zonake a raru wa nwanana i lo kanyuluka, aku: Nza kholwa; nzi ponise ka kungakholwi ka mina.

Luka 10:42

kasi xilo xinwe ntsena xi lavekako. Maria i hlawule a xiavelo xo saseka, lexi xi ta nga kala xi nga tekiwi ka yena.

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

Joxua 24:22

Na Joxua i te ngalo ka vanhu: Nwina venyi mu vakustumunyu vaku mu hlawulile Jehova a ku khozela yena. Na vona va te ngalo: Hina hi vakustumunyu.