Tisimu 119:10 - Tshwa Bible

¹⁰ Nza ku hlota hi mbilu ya mina yontlhe, U nga nzi tsiki nzi hambuka zileletelweni za wena.

Tisimu 119:10 Mawu Ofanana

2 Kronekele 15:15

Vontlhe vaJuda va lo tsaka hi xifungo xabye, hakuva va lo hlambanya hi timbilu tabye tontlhe, va hlota Jehova hi kuxuva kabye, va mu kuma. Jehova i lo va nyika kuhumula ka wontihe matlhelo yabye.

Tisimu 119:118

U kanyisa vontlhe va hambunyetako milayo ya wena. Hakuva a kukhohlisa kabye a ku vuni nchumu.

Tisimu 119:133

Tiyisa milenge ya mina mhakeni ya wena, U nga vumeli ni kugoha kunwe ku nzi fumela.

Tisimu 119:176

Nzi pengile khwatsi hi yivu yi lahlekileko, Hlota nanza ga wena, Hakuva a nzi rivali milayo ya wena. Isa. 53:6; Lu. 15:4

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Tisimu 119:21

U layile a vamatshanza lava va rukilweko, Lava va hambunyetako a zileletelo za wena. Deut. 27:26; Gal. 3:10

Tisimu 119:34

Nzihe kupima, nzi ta hlayisa a nayo wa wena, Futsi, nzi ta wu hlayisa hi mbilu ya mina yontlhe.

Tisimu 119:58

Nzi ku khongeta hi mbilu ya mina yontlhe, Nzi zwele wuxinji kukotisa gezu ga wena.

Tisimu 119:69

A vamatshanza va nzi hembele wunwa, Nzi ta hlayisa zileletelo za wena hi mbilu ya mina yontlhe.

Tisimu 125:5

Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16

Tisimu 23:3

Wa wuyiseta muhefemulo wa mina, Wa nzi hletela tindleleni to lulama Hi kota ya vito gakwe.

Tisimu 78:37

Hakuva a timbilu tabye ti wa nga namarelangi kakwe, Kambe a va tsumbekangi xivumelwaneni xakwe.

Mavingu 2:13

Lava va humako tindleleni ta kululama, a famba hi tindlela ta munyama;

Mavingu 21:16

A munhu loyi a hambukako ndleleni ya kupimisisa, I ta tshama hlengeletanweni wa vafileko.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Ezekieli 34:6

A tiyivu ta mina ti pepetseka lomu zitsungeni zontlhe ni lomu migangeni yontlhe. Ina, a tiyivu ta mina ti lo hangalaka misaveni yontlhe; a ku na munhu a ti lavako.

Hosea 10:2

A timbilu tabye ti khohlakele, hikwalaho va ta koneka. Nungungulu i ta khungumula a maalati yabye, a wisa zifananiso zabye.

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Va le Kolosi 3:22

Malanza, ingisani zilweni zontlhe lava va nga venyi va nwina va misava, na mu nga va tireli ntsena loku va mu wona, khwatsi hi lava va tsakisako vanhu, kanilezi hi kupangama ka timbilu ta nwina, na mu chava Hosi.

1 Johani 2:15

Mu nga ranzi tiko, hambu ni zilo lezi zi nga lomu tikweni. Loku munhu a ranza tiko, a liranzo la Dadani a li kona ka yena. Mat. 6:24; Rom. 12:2

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8