Tisimu 110:2 - Tshwa Bible

² Jehova i ta ruma a nhonga ya ntamu wa wena hi le Zioni, Fuma wena xikari ka valala va wena.

Tisimu 110:2 Mawu Ofanana

Tisimu 72:8

I ta fuma kusukela ka bimbi ginwe kala kuya ginwani, Ni kusukela Congweni kuya magemeta-musi ya misava.

Eksodusi 7:19

Jehova aku ka Mosi: Byela Aroni uku: Teka a nhonga ya wena, u tlakusa a canja ga wena hehla ka mati ya vaGipite, ni hehla ka micongo, ni hehla ka micongwana yabye, ni hehla ka mativa yabye, ni hehla ka tihlowo tabye, a mati ma ta hunzuka ma maha nkhata; ni nkhata wu tava kona tikweni gontlhe ga Gipite, ni lomu zibyeni zo vatliwa ni za maribye.

Eksodusi 8:5

Zonake Jehova aku ka Mosi: Byela Aroni uku: Tlakusa a canja ga wena ni nhonga ya wena hehla ka micongo ni lomu ka zicongwana, ni lomu mativeni, u humesa makhele lomu Gipite,

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Jeremia 48:17

Mu rileni nwina lava mu mu ranzeleko, Nwina lava mu tivako a vito gakwe; Muku: Yi tshovekisile kuyini a nhonga leʼya ntamu, A nhonga yo saseka?

Ezekieli 19:14

A nzilo wu la su gwava lomu maravini, wu hisa mihanzu, Laha kaku ni ravi go ringana a nhonga ya wuhosi a ga ha hi kona. 2 Kro. 36:11, 19 Lowu hi wona nkosi, va ta nga bela nkosi ha wona.

Ezekieli 47:1

I lo nzi wuyisa nyangweni ya yindlu; laho nzi lo wona a mati na ma huma hi lahasi ka xipimbitsi xa nyangwa ya yindlu hi tlhelo ga Mutsuwuka-gambo, hakuva a yindlu yi wa cuwukile Mutsuwuka-gambo. A mati ma wa relela hi tlhelo ga xinene ga yindlu, a Dzongeni ga alati. Joeli 3:18; Zak. 13:1; Kuv. 22:1

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

1 Va le Tesalonika 2:13

Hi kota ya lezo ha simamisa hi bonga Nungungulu, lezaku laha mu nga amukela a mhaka ya Nungungulu, leyi mu nga yi kuma ka hina, a mu yi amukelangi khwatsi i mhaka ya vanhu, kanilezi mu lo amukela a mhaka ya Nungungulu kota lezi yi nga yona, a mhaka leyi yi tirako xikari ka nwina lava mu kholwako. Mat. 10:40

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24