Tisimu 110:1 - Tshwa Bible

¹ Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Tisimu 110:1 Mawu Ofanana

1 Kronekele 28:2

Zonake hosi Davida i lo yima hi mikonzo yakwe, aku: Nzi ingiseni nwina vanakulori, na nwina vanhu va mina! Nzi wa xuvile ku aka a yindlu ya arke ga xivumelwano xa Jehova, ni xikhegetelo xa mikonzo ya Nungungulu wa hina, a yindlu ya kuhumula. Nzi longisile a zilo zo aka ha zona.

Tisimu 109:20

Lezo a zive hakhelo leyi Jehova a hakhelako valala va mina, Ni lava va wulawulako kubiha ha mina.

Tisimu 8:1

Jehova, Hosi ya hina, Gi dzunzekisile kuyini a vito ga wena misaveni yontlhe! Wena loyi u ti yimisaleko a wukosi ga wena hehla ka matilo. Hab. 3:3; Kuv. 5:12

Tisimu 8:6

Hakuva wena u mu nyikile malungelo ya ku fumela a mitiro ya mandla ya wena, U veka zilo zontlhe lahasi ka mikonzo yakwe: Gen. 9:2; Mat. 28:18; 1 Kor. 15:27

Zakaria 6:13

Hi yena a ta nga aka a tempeli ya Jehova; i tava ni wuhosi, a tshama hehla ka xitshamu xakwe xa wuhosi a fuma; ni kambe i tava mupristi xitshanwini xakwe. Ku tava kona a makungo ya kurula xikari ka zikhundla lezi zimbiri.

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Marku 16:19

Laha Hosi Jesu na a wulawulile na vona, i lo tlakuselwa tilweni, aya tshama hi le reveni ga xinene ga Nungungulu. Lu. 24:51

Luka 22:41

I lo tsawuka ka vona a pfhukana wa ku hoxa ribye; i lo khizama, a khongela, Mat. 26:39; Mar. 14:35

1 Va le Korinte 15:25

Hakuva i yimelwe hi ku fuma a kala a veka a valala vakwe vontlhe lahasi ka mikonzo yakwe. Tis. 110:1; Maheb. 1:13

Va le Kolosi 3:1

Zonake loku mu vukile zinwe na Kristu, ngha mu hlota a zilo lezi zi nga le hehla, laho Kristu a nga kona, na tshamile hi le reveni ga xinene ga Nungungulu. Mat. 6:33; Efe. 2:6

Maheberu 1:13

Hakuva ka yihi xikari ka tingelosi a ngaku ka yona: Tshama hi le reveni ga mina ga xinene, Kala nzi veka valala va wena a kuva xikhegetelo xa mikonzo ya wena? Tis. 110:1; Mat. 22:44; Mar. 12:36; Lu. 26:42; Xip. 10:12

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 8:1

A tshinya ga timhaka leti hi ti wulako hi legi: Hi na ni mupristi wa hombe loyi a tshamileko hi le reveni ga xinene ga xitshamu xa wuhosi xa Wukulu le matilweni; Efe. 1:20; Kol. 3:1

1 Pedro 3:22

loyi a yileko tilweni, a ya tshama reveni ga xinene ga Nungungulu; a tingelosi ni tihosi ni mintamu na zi vekilwe a lahasi kakwe. Tis. 110:1; Rom. 8:28; 1 Kor. 15:24