1 Nungungulu, wena loyi nzi ku dumisako, u nga miyeli;
Wena u Nungungulu wa mina, nzi ta ku bonga; Wena u Nungungulu wa mina, nzi ta ku kulisa.
Jehova, nza rila ka wena, Ribye ga mina, u nga vali ndleve ka mina, Ku nga taku loku u nzi miyelela Nzi kota lava va ngirimelako xilahleni.
Nungungulu, u nga miyeli, U nga rutisi, Nungungulu, u nga su tiwitiwi bhi!
Hakuva a valala va wena va maha guwa, Ni lava va ku vengako va tlakusa hloko.
Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.
Aku: Kale na nzi ti miyelele, Nzi rutisa, nzi ti khoma; Makunu nzi ta rila khwatsi hi wasati loyi a lunwako, Nzi ta hefemuteka, nziva ni mahika.
Nzi chume Jehova, nzi tava nzi chumilwe, Nzi hanyise, nzi tava nzi hanyisilwe; Hakuva hi wena a wudzunzo ga mina.
Hi yena a wudzunzo ga wena, hi yena Nungungulu wa wena, loye a ku maheleko a zilo za hombe lezi zi chavisekako, lezi u zi wonileko hi mahlo ya wena.
