Tisimu 107:38 - Tshwa Bible

³⁸ A va katekisa, va anza nguvu, A nga hunguli a tsengo wa zifuyo zabye. Deut. 30:9

Tisimu 107:38 Mawu Ofanana

Genesisi 1:28

Nungungulu i lo va katekisa, ni ku va laya, aku: Pswalani, mu anza, mu tata misava, mu yi fumela; mu fumela ni zidluwani za bimbi, ni tinyanyani ta tilo, ni zontlhe zi hanyako, zi fambako misaveni.

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 17:20

Kambe nzi ku zwile hi tlhelo ga Ixmaeli; languta, nzi ta mu katekisa nzi anzisa pswalo wakwe, wu anza nguvu, yena i ta beleka a 12 wa tihosana, nzi ta maha ha yena a tiko ga hombe.

Genesisi 30:43

Loyi munhu i lo anza nguvu, hi kuva ni mitlhambi yo tala, ni malanza ya xinuna ni ya xisati, ni makameli ni timbongola.

Genesisi 31:9

Zinghaho, Nungungulu i tekile a tiyivu ta raru wa nwina a nzi nyika.

Genesisi 9:1

Na Nungungulu i lo katekisa Noa ni vana vakwe, aku ka vona: Pswalani mu anza, mu tata misava.

Joba 12:23

Hi yena a enzelekisako mifumo ni ku yi lovisa, Hi yena a yi anzisako, a tlhela a yi fuvisa.

Eksodusi 1:12

Kanilezi hambu lezo va nga wa xaniswa, hi laho va nga wa anza nguvu, va tala. Hi laho a vanana va ka Israeli va nga wa vengiwa ha kona.

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 12:38

Laho ku lo suka zinwe navo a vanhu va tinwani tixaka, ni mitlhambi ya tiyivu, ni ya tihomu to tala nguvu.

Mavingu 10:22

A zikatekiso za Jehova za fumisa munhu; ima a nga engeteli wusiwana ha zona.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Deuteronome 28:11

Jehova i ta anzisa nguvu a pswalo wa miri wa wena, ni mihanzu ya zifuyo za wena, ni mihanzu ya masimu ya wena, lomu ka tiko legi Jehova a hlambanyileko ka vararu va wena ku ku nyika gona.

Deuteronome 28:4

Ku ta katekiswa ni pswalo wa miri wa wena, ni mihanzu ya masimu ya wena, ni mihanzu ya mitlhambi ya wena, ya tihomu ni ya tiyivu.

Deuteronome 30:9

Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena;

Deuteronome 7:13

na yena i ta ku ranza, a ku katekisa, a ku anzisa; na yena i ta katekisa a pswalo wa rumbu ga wena, ni ku katekisa mihanzu ya masimu ya wena, ni mavele ya wena, ni vinya ga wena, ni mafura ya wena, ni kupswala ka tihomu ta wena ni tiyivu ta wena, ka tiko legi a hlambanyileko ka vararu va wena ku ku nyika gona.

Deuteronome 7:14

Wena u ta kateka ku hunza wontihe matiko; cima ku nga tava kona a ngonwa xikari ka nwina, a wanuna hambu wasati, hambu xifuyo tlhambini wa wena.