Tisimu 106:41 - Tshwa Bible

⁴¹ A va nyikela mandleni ya vamatiko, Lezaku va fumiwa hi vavengi vabye. Vala. 3:8; 4:2; 10:7

Tisimu 106:41 Mawu Ofanana

2 Samueli 24:14

Davida i te ngalo ka Gadi: Nzi lomu hlomulweni wa hombe nguvu. A hi weleni canjeni ga Jehova, hakuva a wuxinji gakwe ga hombe nguvu; ngha nzi nga weli mandleni ya vanhu!

Ezekieli 16:27

Hikwalaho nzi nawulutile a canja ga mina hehla ka wena, nzi hungule a kuga ka wena, nzi ku nyikela kuranzeni ka valala va wena, va nga vanhwana va maFilistia, lava va nga hi ni tingana hi kota ya hanyela ga wena go nyenyeza. Vala. 13:1; 1 Sam. 4:1

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Deuteronome 28:29

u ta hulumetela laha hlikanhini khwatsi hi xikhumu xi hulumetelako lomu munyameni. U nga ta vuvuma tindleleni ta wena. U ta xaniswa ni ku phangiwa wontihe masiku, ni laho ku nga tava kona wa ku ku hlanguta.

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Valamuli 15:11

Zonake 3,000 wa va ka Juda va lo relela vaya hlohlorini ya ribye ga le Etame, va yaku ka Samsoni: Kasi wena a ku zi tivi lezaku a maFilistia, mbafumeli va hina ke? Hikuyini u hi mahela za ku nghahi? Yena aku kabye: Nzi mahile ka vona khwatsi hi lezi va mahileko ka mina.

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Valamuli 3:12

A vanana va ka Israeli va lo engeta va maha kubiha mahlweni ka Jehova. Jehova i lo nyika ntamu ka hosi Egloni a hosi ya Moabi kasi ku vukela va ka Israeli, hilezi va wa mahile kubiha mahlweni ka Jehova.

Valamuli 3:14

A vanana va ka Israeli va lo fumelwa 18 wa malembe hi Egloni a hosi ya vaMoabi.

Valamuli 3:8

Makunu a zanga ya Jehova yi vindlukela va ka Israeli, a va nyikela canjeni ga Kuxani-Rixataime, a hosi ya le Mesopotamia. A vanana va ka Israeli va lo fumelwa 8 wa malembe hi Kuxani-Rixataime.