Tisimu 106:37 - Tshwa Bible

³⁷ Futsi, va lo phahlela ka madimoni Hi varisanyana ni vanhwana vabye. 2 Tih. 21:6; 23:10; Jer. 7:31

Tisimu 106:37 Mawu Ofanana

2 Tihosi 16:3

I lo lanzela tindlela ta tihosi ta ka Israeli; i lo hisa a nʼwana wakwe laha nzilweni, a lanzela mahanyela ya vamatiko, lava Jehova a nga va hlongola mahlweni ka vanana va ka Israeli. Levi 18:21; Deut. 18:10

2 Tihosi 17:17

Va lo hisa vafana vabye ni vanhanyana vabye lomu minzilweni, va ti nyiketela kuvumbeni ni wuloyini, ni ku maha lezi zi bihileko mahlweni ka Jehova, va mu zangarisa. Levi 18:21; Deut. 18:10

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

2 Kronekele 11:15

I lo ti yimisela a vapristi va matshamu ma tlakukileko, ni va madimoni, ni va marole lawa yena a ma mahileko. Levi 17:7

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Ezekieli 20:26

nzi lo va nyenyezisa hi minyikelo yabye, laha va nga hisa hi nzilo wontihe a matewula, lezaku va dzuka va chava, kasi va fela ku zi tiva lezaku hi mina Jehova. 2 Kro. 33:6

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 23:37

Hakuva va bhayile, a nkhata wu namarela mandleni yabye, va bhayile ni zifananiso zabye; ni vana vabye lava va nga nzi belekela, va va nyikele, a kuva kuga ka zona,

Ezekieli 23:47

A hlengeletano leyi yi ta va gandla hi maribye, yi va daya hi supado; yi ta daya a vafana vabye ni vanhanyana vabye, va hisa tiyindlu tabye hi nzilo.

Levi 17:7

Va nga ha nyikeli miphahlelo yabye ka madimoni, lawa va bhayako nawo. Lowu wu tava nayo wa pinzukelwa ka zontlhe zizukulwana zabye. Deut. 32:17; 1 Kor. 10:20

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

1 Va le Korinte 10:20

Ahihi, kanilezi nziku, lezi a vamatiko va zi phahlelako, va phahlela madimoni, a va phahleli Nungungulu; a nzi zi ranzi lezaku mu hlengela ni madimoni. Deut. 32:17

Deuteronome 18:10

Ngha ku nga kumiwi ni munhu munwe ka wena loyi a nyikelako nʼwana wakwe kutani nhanyana wakwe laha nzilweni, ni loyi a tirako wutumbe, kutani mungoma, ni mulori,

Deuteronome 32:17

Va khozelile madimoni lawa ma nga hiko Nungungulu, Ni vanungungulu lava va nga va tiviko, Vanungungulu vaswa, lava va chikelako lokuloku, Lava vararu va nwina va nga va chavangiko. Tis. 106:36; 1 Kor. 10:20